கலெக்டராக வரும் நயன்தாரா

டைரக்டர் கோபி இயக்கும் படத்தில் நடிகை நயன்தாரா கலெக்டராக நடிக்கிறாராம்.

தற்போது நடிகை நயன்தாரா ‘காஷ்மோரா’, ‘இரு முகன்’ படங்களை தொடர்ந்து ‘டோரா’ படத்தில் நடித்து வருகிறார். அடுத்ததாக மீஞ்சூர் கோபி இயக்கும் ஒரு படத்திலும் நடிக்கவுள்ளார். டைரக்டர் கோபி, ஏ.ஆர்.முருகதாஸ் இயக்கிய ‘கத்தி’ படத்தின் கதை தனது என்று உரிமை கொண்டாடியதன் மூலம் பிரபலமானவர்! மீஞ்சூர் கோபி இயக்கும் பெயரிடப்படாத இப்படத்தில் நயன்தாரா கலெக்டராக கெஸ்ட் ரோலில் நடிக்கிறார்.

‘காக்கா முட்டை’யில் வரும் சிறுவர்கள் விக்னேஷ், ரமேஷ் ஆகியோருடன் சுனுலட்சுமி, ‘சதுரங்க வேட்டை’ புகழ் ராமச்சந்திரன் ஆகியோரும் முக்கிய கேரக்டர்களில் நடிக்கிறார்கள்.

இப்படத்தின் படப்பிடிப்பு கிட்டத்தட்ட 15 நாட்கள் நடந்து முடிந்துள்ளது. நயன்தாரா சம்பந்தப்பட்ட காட்சிகளின் படப்பிடிப்பு இன்னும் நடைபெறவில்லையாம். விரைவில் அவர் சம்பந்தப்பட்ட காட்சிகளின் படப்பிடிப்பும் நடைபெறவிருக்கிறதாம்.