சாப்பிட்டுக் கொண்டே டப்பிங் பேசிய நடிகை!!

நடிகை நயன்தாரா மைக் முன் சாப்பிட்டுக் கொண்டே ஒரே நாளில் டப்பிங் பேசி முடித்தாராம்.

நடிகை நயன்தாரா தற்போது நடித்து முடித்துள்ள படம் ‘டோரா’. இதற்கு முன் ‘மாயா’ என்ற ஹாரர் படத்தில் நடித்திருந்தார். ‘டோரா’ படத்தை தாஸ் ராமசாமி இயக்கியுள்ளார். படத்தில் நயன்தாராவின் தந்தையாக தம்பி ராமைய்யா நடித்துள்ளார். மேலும் படத்தில் ஹாரிஸ் உத்தமன் உள்பட பலர் நடித்துள்ளனர்.

இந்த படத்திற்கு முதலில் ‘டிக் டிக் டிக்’ என்றுதான் தலைப்பு வைத்தனர். ஆனால் இதே தலைப்பை ஜெயம்ரவி ஏற்கனவே பதிவு செய்து வைத்திருந்ததால் பின்னர் ‘டோரா’ என்று பெயரை மாற்றினர்.மேலும், இந்த படத்தில் பவளக்கொடி என்ற கேரக்டரில் நயன்தாரா நடித்துள்ளாராம். அதோடு, சில நாட்களுக்கு முன்பு இந்த படத்திற்கான டப்பிங் பேச வந்த நயன்தாரா, தனக்கான மொத்த டயலாக்கையும் ஒரே நாளில் பேசி முடித்து விட்டாராம். குறிப்பாக, கேப் விட்டு பேசினால் பேசும் டோன் மாறக்கூடும் என்பதற்காக, மதிய நேரத்தில் சாப்பிட கூட செல்லாமல், தியேட்டர் மைக் முன்பு நின்றபடி சாப்பிட்டுக்கொண்டே அதே மூடில் பேசி முடித்தாராம் நயன்தாரா.