திருமணத்திற்காக காதலருக்கு நயன்தாரா அளித்த காஸ்ட்லி கிப்ட்: ஆச்சரியத்தில் ரசிகர்கள்.!

தமிழ் சினிமாவில் டாப் நடிகையாக வலம் வரும் நடிகை நயன்தாரா ரஜினி, அஜித், விஜய், தனுஷ், சூர்யா, விஷால் உள்ளிட்ட முன்னணி நடிகர்கள் அனைவருடனும் இணைந்து நடித்து விட்டார். தற்போது கதாநாயகிகளுக்கு முக்கியத்துவம் அளிக்கும் கதைக்களங்களை தேர்ந்தெடுத்து நடித்து வரும் நயன்தாரா, தெலுங்கு மலையாளம் உள்ளிட்ட மொழிகளிலும் முன்னணி நாயகியாக வலம் வந்து கொண்டிருக்கிறார்.

நயன்தாரா விக்னேஷ் சிவன் இயக்கத்தில் காதம்பரியாக 'நானும் ரவுடிதான்' படத்தில் நடித்த போது இருவருக்குள்ளும் காதல் மலர்ந்துள்ளதாக பரபரப்பு செய்திகள் வெளியாகின. அதனை தொடர்ந்து சிலகாலம் அமைதி காத்த இருவரும் தாங்கள் காதலித்து வருவதை செல்ஃபி புகைப்படங்கள் மூலமாக உறுதிப்படுத்தினார்கள்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

.ரசிகர்கள் மட்டுமல்லாமல் கோடம்பாக்கத்தினரும் நயன்தாரா, விக்னேஷ் சிவன் இருவரின் திருமணத்தையும் எதிர்பார்த்து காத்து கொண்டிருக்கின்றனர். அண்மையில் விக்னேஷ் இயக்கத்தில் நயன்தாரா, சமந்தா, விஜய் சேதுபதி நடிப்பில் வெளியான 'காத்து வாக்குல ரெண்டு காதல்' படம் ரசிகர்கள் மத்தியில் அமோக வரவேற்பினை பெற்று வருகிறது. அதனை தொடர்ந்து இருவரும் திருப்பதி கோயிலுக்கு ஜோடியாக சென்று வந்தனர்.

என்ன மனுஷன்யா இவரு.. 'தளபதி 66' படக்குழுவினரை ஆச்சரியப்படுத்திய விஜய்..!
இந்நிலையில் தனது வருங்கால கணவருக்கு சிகப்பு நிற காஸ்ட்லி ஃபெராரி காரை பரிசாக அளித்துள்ளாராம் நடிகை நயன்தாரா. சமீபத்தில் அந்த காருடன் நின்றபடி போஸ் கொடுத்த போட்டோவை தனது இன்ஸ்டாகிராம் பக்கத்தில் ஷேர் செய்திருந்தார் விக்னேஷ் சிவன். இந்த புகைப்படம் இணையத்தில் தீயாக பரவி வருகிறது.

விக்னேஷ் சிவனுக்கு நயன்தாரா பரிசாக கொடுத்த அந்த சொகுசு காரின் விலை 7.5 கோடி என்ற தகவல் ரசிகர்கள் மத்தியில் ஆச்சரியத்தை ஏற்படுத்தியுள்ளது. இதனிடையில் அடுத்த மாதம் ஜூன் 9ம் தேதி திருப்பதியில் இவர்கள் திருமணம் நடைபெற போவதாகவும் தகவல்கள் வெளியாகி உள்ளன. இதற்காகவே நயன்தாரா தனது காதலர் விக்னேஷ் சிவனுக்கு இந்த விலையுயர்ந்த பரிசை அளித்துள்ளதாக செய்திகள் தீயாக பரவி வருகிறது.