Nayanthara Airaa: சூப்பரான படத்தை மொக்கைனு சொல்லும் நயன்தாராவின் ஐரா டிரைலர்!

இயக்குனர் சர்ஜூன் இயக்கத்தில் நயன் தாரா நடிப்பில் உருவாகியுள்ள ஐரா படத்தின் டிரைலர் தற்போது வெளியாகி வைரலாகி வருகிறது.

தமிழ் சினிமாவில் லேடி சூப்பர் ஸ்டார் என்றழைக்கப்படும் நயன்தாரா நம்பர் ஒன் நடிகையாக இருக்கிறார். தொடர்ந்து பல சூப்பர் டூப்பர் ஹிட் படங்களை கொடுத்து வருகிறார். சமீபத்தில், இவரது நடிப்பில் கோலமாவு கோகிலா மற்றும் இமைக்கா நொடிகள் ஆகிய படங்கள் அடுத்தடுத்து வெளியாகி மாஸ் ஹிட் கொடுத்துள்ளன.

Also Read This:Airaa: முதல் முறையாக இரட்டை வேடத்தில் நடிக்கும் நயன்தாரா!

இந்த நிலையில், மா மற்றும் லட்சுமி ஆகிய குறும்படங்களை இயக்கிய சர்ஜூன் இயக்கத்தில் தனது 63ஆவது படமான ஐரா படத்தில் நடித்துள்ளார். மேலும், இப்படத்தில் முதன் முறையாக பவானி மற்றும் யமுனா என்று இரட்டை வேடத்தில் நடித்துள்ளார். இப்படத்தில் இவருடன் இணைந்து யோகி பாபு, கலையரசன், ஜெயபிரகாஷ், மீரா கிருஷ்ணன், மாஸ்டர் அஸ்வந்த், கலைப்புலி லீலா ஆகியோர் பலர் நடித்துள்ளனர்.

இப்படத்தை கேஜேஆர் ஸ்டூடியோஸ் நிறுவனம் தயாரித்துள்ளது. வரும் 28ம் தேதி இப்படம் திரைக்கு வரும் இப்படத்தின் டிரைலர் தற்போது வெளியாகியுள்ளது. இதில், சூப்பரா இருக்கும் படத்தை மொக்கைனு சொல்லனும், பிரதமரை கழுவி கழுவி ஊத்தனும், பேய் ஆகியவற்றை குறித்து விளக்கும் வகையில் இந்த டிரைலர் அமைந்துள்ளது.