விக்கி, நயன்தாரா திருமணத்தால் வருத்தத்தில் இருக்கும் பெ...

விக்னேஷ் சிவனின் பெரியப்பா மாணிக்கம் பேட்டி அளித்திருக்கிறார். மாணிக்கத்திற்கு குழந்தை இல்லாததால் விக்னேஷ் சிவன் மற்றும் அவரின் தங்கை ஐஸ்வர்யாவை தங்கள் பிள்ளைகள் போன்று வளர்த்தாராம். பின்னர் வேலை காரணமாக விக்னேஷ் சிவனின் பெற்றோர் லால்குடியில் இருந்து சென்னைக்கு வந்துவிட்டார்கள்.

விக்னேஷ் சிவன், நயன்தாராவின் திருமணம் ஜூன் மாதம் 9ம் தேதி திருப்பதியில் நடக்கவிருக்கிறது. இதையடுத்து வரவேற்பு நிகழ்ச்சி சென்னையில் பிரமாண்டமாக நடக்க உள்ளது. அதற்கான ஏற்பாடுகள் விறுவிறுப்பாக நடந்து வருகிறது.

சென்னைக்கு சென்ற பிறகு விக்னேஷ் சிவன் குடும்பத்துடன் தொடர்பு இல்லாமல் போய்விட்டதாம். ஐஸ்வர்யாவின் திருமணத்திற்கு எங்களை அழைக்கவில்லை. இந்நிலையில் விக்னேஷ் சிவனுக்கு திருமணம் என்று ஊரெல்லாம் பேச்சாக உள்ளது. ஆனால் இதுவரை எங்களை யாரும் அழைக்கவில்லை என்று மாணிக்கம் தெரிவித்துள்ளார்.

விக்னேஷ் சிவன், நயன்தாரா திருமணத்திற்கு தங்களை அழைக்காததால் மன உளைச்சலாக இருப்பதாக மாணிக்கம் கூறியுள்ளார். அவரின் பேட்டியால் பரபரப்பு ஏற்பட்டுள்ளது. இதற்கு விக்னேஷ் சிவன் என்ன விளக்கம் அளிக்கப் போகிறார் என்று அனைவரும் காத்துக் கொண்டிருக்கிறார்கள்.