அஜித்தின் வலிமை படத்தில் நானா?: நஸ்ரியா விளக்கம்

நேர்கொண்ட பார்வை பட வெற்றியை தொடர்ந்து மீண்டும் ஹெச்.வினோத் – போனி கபூர் கூட்டணியில் அஜித் வலிமை படத்தில் நடிக்கிறார்.

இப்படத்தின் பூஜை கடந்த சில தினங்களுக்கு முன்பு நடந்தது. படத்தின் ஷூட்டிங் வரும் டிசம்பர் மாதம் டெல்லியில் தொடங்க உள்ளது. இப்படத்தின் ஹீரோயின் பற்றி வெவ்வேறு பெயர்கள் அடிபட்டுக் கொண்டிருக்கின்றது.

அந்த வகையில் அஜித்தின் தீவிர ரசிகையான நஸ்ரியா இதில் நடிக்க வாய்ப்பிருப்பதாக வதந்தி பரவி வந்தது.
அவரும் தனது சமூக வலைதள பக்கத்தில் பக்கத்தில் வலிமை படம் பற்றிய தகவல்களை ஷேர் செய்து கொண்டிருந்தார். அதனால் அஜித்துடன், நஸ்ரியா நடிக்கிறார் என்று கிசுகிசு பரவியது.


இந்த நிலையில் தற்போது இதற்கு விளக்கம் அளிக்கும் வகையில் நஸ்ரியா ட்வீட் செய்துள்ளார். அதில், 'வலிமை படத்தில் நான் நடிக்கிறேன் என்று வெளிவரும் செய்தி அனைத்துமே வதந்தி. எனவே தயவு செய்து போலி செய்திகளில் இருந்து விலகி இருங்கள்' என்று குறிப்பிட்டுள்ளார்.

வாவ்... எகிப்து நாட்டில் பிகில் திரைப்படம் வெளியாகிறது.. குஷியில் விஜய் ரசிகர்கள்!

திருமணத்துக்குப் பிறகு நடிப்பிலிருந்து விலகியிருந்த நஸ்ரியா கடந்த ஆண்டு 'கூடே' என்ற மலையாளம் படம் மூலம் மீண்டும் ரீ என்ட்ரி கொடுத்தார் என்பது குறிப்பிடத்தக்கது. நஸ்ரியா தான் கதாநாயகியாக நடிப்பார் என்று எதிர்பார்த்து இருந்த ரசிகர்களுக்கு இந்த செய்தி சோகத்தை ஏற்படுத்தியுள்ளது.

'தளபதி 64' ஃபர்ஸ்ட் லுக் எப்போ ரிலீஸ் தெரியுமா?

வலிமை படத்தில் அஜித் போலீஸ் அதிகாரியாக நடிக்கவுள்ளார். மேலும், இளமை தோற்றத்தில் இது வரை பார்த்திராத அஜித்தை இப்படத்தில் எதிர்பார்க்கலாம் என்று படக்குழு தெரிவித்துள்ளது.