சங்கமித்ராவில் இடம் வேண்டும்; ஏங்கும் பிரபல நடிகை...!

சென்னை: சங்கமித்ரா படத்தில் நடிக்க வாய்ப்பு வேண்டும் என்று பிரபல நடிகை தெரிவித்துள்ளார்.

சுந்தர் சி இயக்கத்தில், தேனாண்டாள் பிலிம்ஸ் தயாரிப்பில் உருவாகும் திரைப்படம் ‘சங்கமித்ரா’. அதில் ஜெயம் ரவி, ஆர்யா ஆகியோர் நாயகர்களாக ஒப்பந்தம் செய்யப்பட்டுள்ளனர். நாயகியாக ஸ்ருதிஹாசன் ஒப்பந்தமானார்.

சங்கமித்ரா படம் 2 பாகங்களாக ரூ.300 கோடி செலவில் தயாரிக்க திட்டமிடப்பட்டுள்ளது. அதற்காக 2 ஆண்டுகள் வரை ஆகும் என்று தெரிவிக்கப்பட்டுள்ளது. இதுகுறித்து நடிகர், நடிகைகளுக்கு முறையாக தெரிவிக்கப்பட்டே ஒப்பந்தம் போடப்பட்டது. இந்நிலையில் முழுமையான ஸ்க்ரிப்ட் தனக்குத் தரப்படவில்லை என்றும், படப்பிடிப்புத் தேதிகள் சரியான முறையில் தனக்குச் சொல்லப்படவில்லை என்றும் கூறி ஸ்ருதிஹாசன் படத்தில் இருந்து விலகினார்.

இந்நிலையில் சங்கமித்ரா படத்தில் நடிக்க நடிகை நீதி சந்திரா விருப்பம் தெரிவித்துள்ளார். மிகுந்த அர்ப்பணிப்புடனும், மகிழ்ச்சியுடனும் நடிக்க ஆர்வமாக உள்ளதாக தெரிவித்தார்.

Neetu Chandra expects Sangamitra casting.