Upcoming Tamil Movies: இந்த வாரம் திரைக்கு வரும் முக்கிய படங்களின் ஒரு பார்வை!

ஒவ்வொரு வாரமும் தமிழ் சினிமாவில் 3க்கும் மேற்பட்ட படங்கள் வெளியாகி வருவதால், பெரும்பாலும் படங்களின் வசூல் பாதிக்கப்படுகிறது.

ஒவ்வொரு வாரமும் தமிழ் சினிமாவில் 3க்கும் மேற்பட்ட படங்கள் வெளியாகி ஓரளவு வசூல் ரீதியாக வரவேற்பு பெற்று வருகிறது. அண்மை காலமாக மாஸ் ஹீரோக்களின் படமாக இருந்தாலும் கூட வசூல் பாதிக்கப்பட்டு வருகிறது. அந்த வகையில், விஷால், சிவகார்த்திகேயன், அதர்வா, ஜீவா ஆகியோரது படங்கள் குறைவான வசூல் குவித்துள்ளது. இவர்கள் வரிசையில், இந்த வாரம், நீயா 2, லிசா 3டி, ஓவியாவை விட்டா யாரு, பேரழகி ஐ.எஸ்.ஓ, வாகிபா, ஔடதம் ஆகிய 6 படங்கள் வெளியாகிறது.

நீயா 2

இயக்குனர் எல் சுரேஷ் இயக்கத்தில் ஜெய், வரலக்ஷ்மி, லக்ஷ்மி ராய், கேத்ரீன் தெரசா ஆகியோர் பலர் நடிப்பில் உருவாகியுள்ள படம் நீயா 2. முழுக்க முழுக்க பாம்பின் பழி வாங்கும் குணத்தை மையப்படுத்திய இப்படம் நாளைக்கு திரைக்கு வருகிறது.



பேரழகி ஐஎஸ்ஓ

இயக்குனர் சி. விஜயன் இயக்கத்தில் கிரியா மைன்ஸ் மூவி மேக்கர்ஸ் சார்பில் விஜயன்.சி என்பவர் தயாரிப்பில் தற்போது உருவாகியுள்ள படம் ‘பேரழகி ஐ.எஸ்.ஓ. இந்தப் படத்தில் விவேக் கதாநாயகனாகவும் அவருக்கு ஜோடியாக நடிகை ஷில்பா மஞ்சுநாத்தும் நடித்துள்ளனர். இப்படம் கடந்த வாரம் வெளியாக இருந்த நிலையில் ஏதோ, ஒரு காரணத்திற்காக பின் வாங்கிய நிலையில், நாளை வெளியாகிறது.
ஓவியாவை விட்டா யாரு

இயக்குனர் ராஜதுரை இயக்கத்தில், ஓவியா, செந்தில், சஞ்சீவி, கவுண்டமனி, பவர் ஸ்டார் சீனிவாசன், ராதாரவி, மீனா கிருஷ்ணன், கஞ்சா கருப்பு ஆகியோர் பலர் நடிப்பில் உருவாகியுள்ள படம் ஓவியாவை விட்டா யாரு. காமெடி கதையை மையப்படுத்திய இப்படம் நாளைக்கு வெளியாகிறது.

லிசா

அறிமுக இயக்குநர் ராஜூ விஸ்வநாத் இயக்கத்தில்அஞ்சலி, யோகி பாபு, மைம் கோபி, பிரம்மானந்தம், சாம் ஜோன்ஸ், சலீமா, சுரேகா வாணி, சபீதா ராய், கல்யாணி நடராஜன், மகரந்த் தேஷ்பாண்டே ஆகியோர் பலர் நடிப்பில் உருவாகியுள்ள படம் லிசா. ஆக்‌ஷன் த்ரில்லர் மற்றும் 3டி தொழில்நுட்பத்தில் உருவாகியுள்ள இப்படம் நாளை திரைக்கு வருகிறது.

இப்படங்களைத் தொடர்ந்து வாகிப் மற்றும் ஔடதம் ஆகிய இரு படங்களும் திரைக்கு வருகிறது என்பது குறிப்பிடத்தக்கது. வண்ணக்கிளி பாரதி என்ற படமும் வெளியாக இருப்பதாக அறிவிக்கப்பட்டுள்ளது