'ஜெயிலர்' படப்பிடிப்பை விட்டுட்டு நெல்சன் எங்க போய் இருக்காரு தெரியுமா.?: வைரலாகும் புகைப்படம்.!

ரஜினியின் 'அண்ணாத்த' படம் பலவித நெகட்டிவ் விமர்சனங்களை தாண்டி பாக்ஸ் ஆபிஸில் வசூல் சாதனையை படைத்தது. ஆனாலும் ரஜினி ரசிகர்களுக்கு இந்தப்படம் பலத்த ஏமாற்றத்தை அளித்தது. இதனை தொடர்ந்து ரஜினியின் அடுத்த பட இயக்குனர்களின் பட்டியலில் பல இளம் இயக்குனர்களின் பெயர்கள் அடிப்பட்டது.

இந்நிலையில் விஜய்யின் 'பீஸ்ட்' படம் வெளியாவதற்கு முன்பாகவே ரஜினியை இயக்கும் வாய்ப்பை கைப்பற்றினார் நெல்சன். கடந்த ஏப்ரல் மாதம் வெளியான 'பீஸ்ட்' படம் குறித்து பலவிதமான நெகட்டிவ் விமர்சனங்கள் இணையத்தில் குவித்தது. இதனால் ‘ஜெயிலர்’ படத்தினை ஹிட்டாக்கி விடவேண்டும் என்ற முனைப்புடன் செயல்பட்டு வருகிறார் நெல்சன்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்நிலையில் அண்மையில் புதிய போஸ்டருடன் ‘ஜெயிலர்’ படத்தின் ஷூட்டிங் பூஜையுடன் துவங்கியது. மேலும், ரம்யா கிருஷ்ணன், யோகி பாபு, விநாயகன், வசந்த் ரவி ஆகியோர் நடிப்பதாக படக்குழு அதிகாரப்பூர்வ அறிவிப்பும் வெளியிட்டது. ‘படையப்பா’ படத்திற்கு பிறகு ரஜினி, ரம்யா கிருஷ்ணன் காம்போ இணைந்துள்ளது ரசிகர்கள் மத்தியில் எதிர்பார்ப்பினை கிளப்பியுள்ளது.

Varisu Update: போடு வெடிய.. அதிரடி அறிவிப்பை வெளியிட்ட 'வாரிசு' படக்குழு..!

கடந்த ஆகஸ்ட் 22 ஆம் தேதி துவங்கிய 'ஜெயிலர்' படப்பிடிப்பு விறுவிறுப்பாக நடைபெற்று வருகிறது. இந்நிலையில் இந்தப்படத்தின் படப்பிடிப்பு 50% அளவிற்கு நிறைவடைந்துள்ளதாக தகவல்கள் வெளியானது. மேலும் நெல்சனின் முந்தைய படங்களை விட ஜெயிலரில் ஆக்ஷன் காட்சிகள் அதிகமுள்ளதாகவும் கூறப்படுகிறது.

Vadhandhi: எஸ்.ஜே. சூர்யாவின் 'வதந்தி' வெப் தொடர் எப்படி இருக்கு.?: முழு விமர்சனம் இதோ.!

இந்நிலையில் 'ஜெயிலர்' படப்பிடிப்பிற்கு மத்தியில் தற்போது நெல்சன் கத்தார் நாட்டிற்கு சென்று உலக கோப்பை கால்பந்து போட்டியை பார்க்க போயுள்ளார். இதுகுறித்த புகைப்படத்தையும் அவர் தனது சமூக வலைத்தளத்தில் பகிர்ந்துள்ள நிலையில் அந்த புகைப்படம் தற்போது இணையத்தில் வைரலாகி வருகிறது.


'ஜெயிலர்' படத்தை அடுத்த வருடம் ஏப்ரல் மாதம் வெளியிட படக்குழுவினர் திட்டமிட்டுள்ளனர். இதனிடையில் ரஜினி தனது மகள் ஐஸ்வர்யா இயக்கும் 'லால் சலாம்' படத்தில் சிறப்பு தோற்றத்தில் நடிக்கவுள்ளார். மேலும் லைகா தயாரிப்பிலும் ரஜினி புதிய படம் ஒன்றில் நடிக்கவுள்ளது குறிப்பிடத்தக்கது.