இன்று முதல் நெஞ்சம் மறப்பதில்லை டீசர்

சென்னை: இயக்குனர் செல்வராகவனின் இயக்கத்தில் உருவாகி மிகுந்த எதிர்ப்பார்ப்பை ஏற்படுத்தியுள்ள திகில் கலந்த பேய் படமான 'நெஞ்சம் மறப்பதில்லை' படத்தின் டீசர் இன்று மாலை 6 மணிக்கு வெளியாகவுள்ளது.

சமீபத்தில் இப்படத்தின் டப்பிங் பணிகள் நிறைவடைந்த நிலையில், வருகிற செப்டம்பர் மாதம் படத்தை வெளியிட படக்குழு திட்டமிட்டு வருகிறது.

எஸ்.ஜே.சூர்யா, ரெஜினா, நந்திதா ஸ்வேதா உள்ளிட்டோர் முக்கிய கதாப்பாத்திரத்தில் நடித்துள்ளனர். இயக்குனர் கவுதம் மேனனின் 'ஒன்றாக புரொடக்ஷன்ஸ் எண்டர்டெய்ன்மென்ட்' தயாரிப்பில் உருவாகியுள்ள இப்படத்துக்கு யுவன் ஷங்கர் ராஜா இசையமைத்துள்ளார். நீண்ட இடைவெளிக்குப் பிறகு செல்வராகவன் மற்றும் யுவன் இந்த படத்தில் கூட்டணி அமைத்துள்ளது குறிப்பிடத்தக்கது.