பிட்டு பட இயக்குநர்லாம் பாரதிராஜாவை விமர்சிப்பதா?: சந்தோஷை விளாசிய நெட்டிசன்ஸ்

இரண்டாம் குத்து என்னும் அடல்ட் காமெடி படத்தை இயக்கி, ஹீரோவாக நடித்துள்ளார் சந்தோஷ் ஜெயகுமார். இருட்டு அறையில் முரட்டுக் குத்து படத்தின் இரண்டாம் பாகம் தான் இந்த இரண்டாம் குத்து. இரண்டாம் குத்து படத்தின் ஃபர்ஸ்ட் லுக் போஸ்டர் மற்றும் டீஸரை பார்த்து பலரும் சந்தோஷை விளாசினார்கள். இந்நிலையில் "இரண்டாம் குத்து" என்ற படத்தின் விளம்பரத்தை என் கண்ணால் பார்க்கவே கூசினேன். அவர்கள் வீட்டில் பெண் மக்கள் இல்லையா என்று இயக்குநர் இமயம் பாரதிராஜா அறிக்கை வெளியிட்டார்.

அதை பார்த்த சந்தோஷ் ஜெயகுமாரோ பாரதிராஜா இயக்கிய டிக் டிக் டிக் பட புகைப்படத்தை வெளியிட்டு, இதை பார்த்து கூசாத கண்ணு, இப்போ கூசிருச்சோ என்று கேட்டு ட்வீட் செய்துள்ளார்.

இதை பார்த்து கூசாத கண்ணு, இப்போ கூசிருச்சோ?: பாரதிராஜாவை கேட்கும் சந்தோஷ்

சந்தோஷ் ஜெயகுமாரின் ட்வீட்டை பார்த்த சினிமா ரசிகர்கள் கடுப்பாகி அவரை விளாசியுள்ளனர். சந்தோஷின் ட்வீட்டை பார்த்தவர்கள் கூறியிருப்பதாவது,

முதலில் டிக் டிக் டிக் படத்தை பார்த்துவிட்டு பேசவும். உங்களை போன்று பாரதிராஜா ஒன்றும் பிட்டு படம் எடுக்கவில்லை. வலுவான கதை இருக்கும். பாரதிராஜாவை பற்றி பேச உங்களுக்கு தகுதி இல்லை.

இவ்வளவு பேசும் நீங்கள், உங்கள் பட ஃபர்ஸ்ட் லுக் போஸ்டர் மற்றும் டீஸரை உங்கள் பெற்றோரை விளம்பரம் செய்யச் சொல்லுங்கள் பார்ப்போம். இது தான் என் மகன் எடுத்திருக்கும் படம் என்று அவர்களால் நிச்சயமாக பெருமையாக கூற முடியாது.

பாரதிராஜா இயக்கிய 16 வயதினிலே, முதல் மரியாதை போன்று உங்களால் படம் எடுக்கவே முடியாது. நீங்கள் எடுத்துள்ள படத்தை உங்கள் அப்பா, அம்மாவிடமே போட்டுக் காட்ட முடியாது. அப்படி இருக்கும்போது பாரதிராஜாவை பற்றி நீங்கள் பேசலாமா?

பாரதிராஜா நல்ல படங்களை கொடுத்தவர். உங்களை போன்று பிட்டு படம் எடுக்கவில்லை. உங்கள் படத்தில் ஆபாசம் தான் இருக்கிறது என்று தெரிவித்துள்ளனர்.

சந்தோஷ் ஜெயகுமாருக்கு ஆதரவாகவும் சிலர் கருத்து தெரிவித்துள்ளனர். சந்தோஷ் குறைந்த பட்ஜெட்டில் படம் எடுத்து வெற்றி காண்பது பொறுக்க முடியாமல் பாரதிராஜா விமர்சிப்பதாக சிலர் தெரிவித்துள்ளனர்.