கார்த்திக் சுப்புராஜை ரவுண்டு கட்டி திட்டும் நெட்டிசன்ஸ்: காரணம் ரஜினி

கட்சி துவங்கி தமிழக சட்டசபை தேர்தலில் போட்டியிடப் போகிறேன் என்று ரஜினி அறிவித்ததை வரவேற்று ட்வீட் போட்டார் கார்த்திக் சுப்புராஜ். 2021ம் ஆண்டில் நடக்கும் சட்டசபை தேர்தலில் தன் ஓட்டு ரஜினிக்கே என்றார் அவர்.

இந்நிலையில் ரஜினி தான் கட்சி துவங்கவில்லை என்று கூறி நேற்று அறிக்கை வெளியிட்டார். அவரின் செயல் ரசிகர்களுக்கு அதிருப்தி அளித்தாலும் ரஜினியின் உடல்நலம் தான் முக்கியம் என்று கூறியுள்ளனர். ரஜினி தன் முடிவை அறிவித்ததை பார்த்த கார்த்திக் சுப்புராஜ் ட்விட்டரில் கூறியதாவது,

தலைவா, கவலைப்பட வேண்டாம். உங்களை போன்ற நல்ல அரசியல் தலைவர் கிடைக்க நாங்கள் தகுதியில்லாதவர்கள் போன்று. நீங்கள் எங்களுக்கு முக்கியம் தலைவா. எப்பொழுதும் உங்களை நேசிப்போம் தலைவா என்று தெரிவித்தார்.

கார்த்திக் சுப்புராஜின் ட்வீட்டை பார்த்த சமூக வலைதளவாசிகள் பிரேக்கே கொடுக்காமல் அவரை விளாசிக் கொண்டிருக்கிறார்கள்.

கார்த்திக் சுப்புராஜ் பற்றி சமூக வலைதளவாசிகள் கூறியிருப்பதாவது,

தலைவருக்கும், நடிகருக்கும் வித்தியாசம் தெரியாத உங்களை போன்றவர்கள் எல்லாம் படம் எடுப்பதால் தான் தமிழக மக்கள் கேவலமாக வாழும் நிலையில் உள்ளனர். முதலில் நீங்கள் ஒழுங்காக இருங்கள். அதன் பிறகு ஒழுங்கான தலைவனை தேடலாம். உங்களை போன்றவர்களால் தான் கண்டவர்களும் தலைவனாகிறார்கள். யாரோ ஓட்டு போட்டால் ரஜினிக்கு தான் போடுவேன் என்று சொன்னாரே. அவரை நினைத்தால் தான் பாவமாக இருக்கிறது.
கால்ஷீட்டுக்காக என்ன வேண்டுமானாலும் பேசுவீர்களா?. என்ன பெரிய நல்ல தலைவர். அவர் அரசியலில் இது வரை என்ன செய்திருக்கிறார்?. அவர் அரசியல் தலைவரே கிடையாது. இனியாவது தலைவா தலைவானு முட்டுக்குடுப்பதை நிறுத்துங்கள்.

உங்களுக்கு என்ன, அவரை வைத்து படம் எடுத்து காசு பார்த்துவிட்டீர்கள். அவரை நம்பி சொந்த காசை போட்டு உழைத்து தற்போது ஏமாந்து நிற்பவர்களுக்கு மட்டுமே வலி தெரியும். சொத்து வரி கட்டாதவர், வாடகை பாக்கி, இ பாஸ் வாங்காமல் ஊர் சுற்றுபவர் தான் நல்ல தலைவரா என்று கேள்வி எழுப்பியுள்ளனர்.

இதற்கிடையே தனுஷ் ரசிகர்களோ, ஜகமே தந்திரம் அப்டேட் எங்க பாஸ் என்று கேட்டுள்ளனர். கார்த்திக் சுப்புராஜ் தனுஷை வைத்து ஜகமே தந்திரம் படத்தை இயக்கி முடித்துள்ளார். ஆனால் படம் குறித்த அப்டேட் இல்லை. அதனால் தான் ரசிகர்கள் கேட்கிறார்கள்.


ரஜினியை கட்சி துவங்காமல் தடுத்தது யார் தெரியுமா?