Adipurush: பொம்மை படமா இது.?: பிரபாஸ் படத்தை வச்சு செய்யும் 'பொன்னியின் செல்வன்' ரசிகர்கள்.!

ராஜமெளலி இயக்கத்தில் வெளியான 'பாகுபலி' படத்தின் பிரமாண்ட வெற்றிக்கு பின்னர் பிரபாஸின் நடிப்பில் வெளிவந்த சாஹோ, ராதே ஷ்யாம் படங்கள் எதிர்பார்த்த வெற்றியை பெறவில்லை. இந்நிலையில் ரசிகர்கள் பெரிதும் ஆவலுடன் எதிர்பார்த்த 'ஆதிபுருஷ்' படத்தின் டீசர் வெளியாகி இணையத்தில் வைரலாகி வருகிறது.

ராமாயணத்தை அடிப்படையாக கொண்டு உருவாகியுள்ள 'ஆதிபுருஷ்' படத்தை இயக்குனர் ஓம் ராவத் இயக்கியுள்ளார். இந்தப்படத்தில் படத்தில் பிரபாஸுக்கு ஜோடியாக க்ரித்தி சனோன் நடித்துள்ளார்ர். ராவணன் கேரக்டரில் சைஃப் அலி கான் இடம்பெற்றுள்ளார். இந்நிலையில் நேற்றைய தினம் வெளியாகியுள்ள 'ஆதிபுருஷ்' டீசரை வச்சு செய்து வருகின்றனர் நெட்டிசன்கள்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

500 கோடி பட்ஜெட்டில் பான் இந்தியா படமாக உருவாகியுள்ள ஆதிபுருஷ் படத்துக்கு அதிகம் எதிர்பார்ப்பு காணப்பட்ட நிலையில் தற்போது வெளியாகியுள்ள டீசர், ரசிகர்களை ஏமாற்றத்தில் ஆழ்த்தியுள்ளது. 3டி ப்ளஸ் அனிமேஷன் தொழில்நுட்பத்தில் உருவாகியுள்ள ஆதிபுருஷ் டீசர், பார்க்க பொம்மை படம் போல் இருப்பதாக ரசிகர்கள் கமெண்ட் அடித்து வருகின்றனர்.

கடந்த வாரம் மணிரத்னம் இயக்கத்தில் வெளியான 'பொன்னியின் செல்வன்' படத்தினை 'பாகுபலி' படத்துடன் ஒப்பிட்டு தெலுங்கு ரசிகர்கள் கலாய்த்து வந்த நிலையில், அதற்கு பதிலடியாக தற்போது 'ஆதிபுருஷ்' டீசரை மரண பங்கம் செய்து வருகின்றனர் தமிழ் ரசிகர்கள். இந்தப்படத்தின் டிஜிட்டல் உரிமையை சுட்டி டிவி கைப்பற்றியுள்ளதாக கலாய்த்து தள்ளி வருகின்றனர்.

Chiyaan 61: விக்ரமின் அடுத்த தரமான சம்பவம்: வேற லெவல் அப்டேட்..!

மேலும் இராவணன் கதாபாத்திரத்தை வேண்டுமென்று வில்லனாக சித்தரித்துள்ளதாகவும் தமிழ் ரசிகர்கள் எதிர்ப்பு தெரிவித்து வருகின்றனர். 'ஆதிபுருஷ்' தமிழ்,தெலுங்கு, மலையாளம், கன்னடம், இந்தி ஆகிய மொழிகளில் பான் இந்தியா படமாக அடுத்த ஆண்டு ஜனவரி 12ஆம் தேதி ரிலீசாகவுள்ளது. விஜய்யின் 'வாரிசு' படமும் பொங்கலை முன்னிட்டு ஜனவரியில் வெளியாகவுள்ளது குறிப்பிடத்தக்கது.