ஏ.ஆர். முருகதாஸ் - விஜய் இணையும் படத்திற்கு 12 டியூன் ரெடி!

ஏ.ஆர்.முருகதாஸ் - விஜய் இணையும் புதிய படத்திற்கு 12 டியூன்களை போட்டு ரெடியாக வைத்திருக்கிறார் இசையமைப்பாளர் அனிருத்.

நடிகர் விஜய் ‘மெர்சல்’ படத்தை அடுத்து ஏ.ஆர்.முருகதாஸ் இயக்கத்தில் நடிக்கவுள்ளார். இந்த செய்தி தற்போது உறுதியாகிவிட்டது. ஆனால், இந்தப் படத்திற்கு அனிருத் இசையமைக்கவுள்ளார்.

இந்த நிலையில் சமீபத்தில் ஏ.ஆர்.முருகதாஸ், அனிருத் இருவரும் சந்தித்து பேசியதாகவும் கூறப்படுகிறது. நடிகர் விஜய்க்காக ஏற்கனவே தான் போட்டு வைத்திருந்த 12 டியூன்களை அனிருத் முருகதாசுக்கு போட்டு காட்டியுள்ளார். அதை கேட்ட ஏ.ஆர். முருகதாஸ், உடனே இந்த படத்திற்கு நீங்கள் தான் இசையமைப்பாளர் என்று அனிருத்தை உறுதி செய்துள்ளாராம்.

மேலும் இந்த படத்தில் விஜய் ஒரு இசைக்கலைஞனாக நடிக்கிறார். மேலும் படத்தில் அதிரடி சண்டைக் காட்சிகளும் அதிகமாக இருக்குமாம். படத்தில் விஜய் ஒரு இசைக்கலைஞர் என்பதால் இசைக்கு முக்கியத்துவம் கொடுக்கும் வகையில் இந்தப் படம் இருக்கும் என்றும் கூறப்படுகிறது. விஜய்க்கு ஜோடியாக நடிக்க இரண்டு முன்னணி ஹீரோயினிகளிடம் பேச்சுவார்த்தை நடைபெற்று வருகிறது.