Indian 2: இந்தியன் 2 படத்தில் புதிதாய் இணைந்த ஹீரோயின்!

ஷங்கர் இயக்கத்தில் உலக நாயகன் கமல் ஹாசன் நடிக்கும் இந்தியன் 2 படம் குறித்து புதிய தகவல் வெளியாகியுள்ளது. பிரம்மாண்டமான இயக்குனர் ஷங்கர் இயக்கும் 14வது படம் இது. பல சர்ச்சைகளுக்கு பிறகு இப்படம் மீண்டும் உயிர்பெற்றுள்ளது. மக்கள் நீதி மையம், பிக் பாஸ் என்று பிசியாக இருந்து வருகிறார் கமல் ஹாசன். சொன்ன பட்ஜெட்டை விட அதிகமாக செலவழிக்கும் இயக்குனர் ஷங்கர். இவர்களது கூட்டணியில் உருவாகும் படம் தான் இந்தியன் 2.

மேலும் படிக்க: பாலிவுட்டை கலக்கும் தமிழர்கள்: மூன்று நாட்களில் ரூ.70 கோடி வசூல் கொடுத்த மிஷன் மங்கள்!

இப்படத்திற்கு பட்ஜெட் தொடர்பாக பிரச்சனை ஏற்பட்டபோது ஷங்கரும், கமலும் சேர்ந்து தான் லைகா நிறுவனத்தை சமாதானம் செய்து படத்தை தயாரிக்க சம்மதிக்க வைத்துள்ளனர். லைகா நிறுவனம் கைவிட்டால் வேறு தயாரிப்பு நிறுவனத்தின் உதவியை நாட வேண்டியிருக்கும். ஆகஸ்ட் 19ம் தேதி மீண்டும் படப்பிடிப்பு துவங்க உள்ளதாக படக்குழு தெரிவித்துள்ளது. காஸ்டிங் பணிகள் வேகமாக நடந்து கொண்டிருக்கும் வேளையில் கமல், காஜல் அகர்வால், சித்தார்த், பிரியா பவானி சங்கர், ஐஸ்வர்யா ராஜேஷ் ஆகியோரைத் தொடர்ந்து, நடிகை ரகுல் ப்ரீத் சிங் இந்தப் படத்தில் இணைந்திருக்கிறார்.

மேலும் படிக்க: டூயட் ஆடவும், படத்தை அலங்கரிக்கும் பொம்மையாகவும் நடிக்க விருப்பமில்லை: ஸ்ரத்தா கபூர்!


இப்போதிருக்கும் சூழலில் நாடு அதிகமாக சந்தித்துக்கொண்டிருக்கும் பிரச்னை பெண்களுக்கு எதிராக ஏற்படும் பாலியல் துன்புறுத்தல்கள் தான். இதை மையமாக வைத்துதான் `இந்தியன் 2'வை இயக்கத் திட்டமிட்டுள்ளார், ஷங்கர். சமீபத்தில் அஜித் நடிப்பில் வெளியான `நேர்கொண்ட பார்வை'யும் இதே விஷயத்தைதான் `நோ மீன்ஸ் நோ' எனப் பேசியிருந்தது. இதைத் தொடர்ந்து `இந்தியன் 2' படமும் பெண்களுக்கு எதிராக நடக்கும் பாலியல் துன்புறுத்தல்களைப் பற்றி பேசும் என எதிர்பார்க்கப்படுகிறது.

மேலும் படிக்க: Tharshan: பிக் பாஸ் தர்சன் கூட என்ன உறவு? மனம் திறந்த ஷனம் ஷெட்டி!


இந்தியன் 2ல் ஏற்கனவே காஜல் அகர்வால், பிரியா பவானி சங்கர், ஐஸ்வர்யா ராஜேஷ் என மூன்று நாயகிகள் ஒப்பந்தமாகியுள்ள நிலையில் முன்னணி கதாநாயகியான ரகுல் ப்ரீத் சிங்கும் இப்போது இணைந்துள்ளார். தென்னிந்திய பெரிய ஹீரோக்களின் படங்களில் நடித்துகொண்டிருக்கும் ரகுல், ஷங்கர் படத்தில் வாய்ப்பு கிடைத்ததை பெருமையாக கூறி வருகிறார். இதனையடுத்து படத்தில் இன்னும் நிறைய பிரபலங்கள் இணைய உள்ளதாக தகவல வந்துள்ளது. ஷங்கர் படத்தில் நான்கு ஹீரோயின்கள் இணைவது இதுவே முதல் முறை. மேலும் கமல் அல்லாமல் சித்தார்த் உட்பட இன்னும் இரு ஹீரோக்கள் இணைய இருக்கிறார்களாம்.