அரண்மனையில் திருமணம்: தனி விமானத்தில் உதய்பூர் பறந்த பெரிய இடத்து நடிகை

பிரபல தெலுங்கு நடிகர் சிரஞ்சீவியின் தம்பி நாகேந்திர பாபுவின் மகள் நிஹாரிகா கொனிடெலா. தெலுங்கு படங்களில் நடித்துள்ள நிஹாரிகா விஜய் சேதுபதியின் ஒரு நல்ல நாள் பார்த்து சொல்றேன் படம் மூலம் தமிழ் திரையுலகில் அறிமுகமானார். இதையடுத்து அசோக் செல்வன் ஜோடியாக நடிக்க ஒப்பந்தம் ஆகியிருந்தார் நிஹாரிகா.

கொரோனாவாவது, கிரோனாவாவது: உதய்பூர் மாளிகையில் ஐஜி மகனை மணக்கும் வாரிசு நடிகை

இதற்கிடையே நிஹாரிகாவுக்கும், குண்டூர் ஐஜி மகன் சைதன்யா ஜொன்னலகட்டாவுக்கும் கடந்த ஆகஸ்ட் மாதம் ஹைதராபாத்தில் நிச்சயதார்த்தம் நடந்தது. இதையடுத்து டிசம்பர் 9ம் தேதி திருமணத்தை நடத்துவது என்று முடிவு செய்தனர். கொரோனா வைரஸ் பிரச்சனை இன்னும் தீராததால் திருமணத்தை ஹைதராபாத்தில் நடத்துவார்கள் என்று எதிர்பார்க்கப்பட்டது. ஆனால் ராஜஸ்தான் மாநிலம் உதய்பூரில் இருக்கும் உதய்நிவாஸ் மாளிகையில் நிஹாரிகா, சைதன்யா திருமணம் நடக்கவிருக்கிறது.

கடந்த ஒரு வாரமாகவே நிஹாரிகாவின் வீட்டில் கொண்டாட்டமாக உள்ளது. நிஹாரிகா ஊதா கலரு பட்டுப்புடவையில் இருக்கும் புகைப்படம் வெளியாகி ரசிகர்களை கவர்ந்தது.

இந்நிலையில் திருமணத்திற்காக இரு வீட்டாரும் தனி விமானத்தில் உதய்பூருக்கு சென்றுள்ளனர். விமானத்தில் தன் வருங்கால கணவர் சைதன்யா எடுத்த செல்ஃபியை நிஹாரிகா ட்விட்டரில் வெளியிட்டு தன் மகிழ்ச்சியை வெளிப்படுத்தியுள்ளார்.

முன்னதாக நிஹாரிகா படங்களை தேர்வு செய்ய ரொம்பவே யோசித்ததால் அவர் நிறைய படங்களில் நடிக்கவில்லை. இதையடுத்து திருமணத்திற்கு முன்பு தன்னால் முடிந்த அளவுக்கு அதிக படங்களில் நடிக்கப் போவதாக நிஹாரிகா தெரிவித்தார். ஆனால் அதற்குள் கொரோனா வைரஸ் பிரச்சனை விஸ்வரூபம் எடுத்து நிஹாரிகாவின் திட்டத்தில் மண்ணை அள்ளிப் போட்டுவிட்டது.

அசோக் செல்வனின் படத்தில் இருந்து விலகிவிட்டார் நிஹாரிகா. இதையடுத்து எனை நோக்கி பாயும் தோட்டா படம் புகழ் மேகா ஆகாஷை ஒப்பந்தம் செய்தனர்.

இதற்கிடையே நிஹாரிகாவின் தந்தை நாகேந்திர பாபுவுக்கு கொரோனா வைரஸ் பாதிப்பு ஏற்பட்டு குணமடைந்தார். அவர் குணமடைந்த பிறகு பிளாஸ்மா தானம் செய்தபோது எடுக்கப்பட்ட புகைப்படம் வெளியாகி வைரலானது. அதன் பிறகு சிரஞ்சீவிக்கும் கொரோனா பாதிப்பு ஏற்பட்டது.