நிகிலா விமலின் தந்தை மரணம்: ரசிகர்கள் இரங்கல்

வெற்றிவேல் படம் மூலம் தமிழ் திரையுலகில் அறிமுகமானவர் கேரள மாநிலத்தை சேர்ந்த நிகிலா விமல். அவரின் தந்தை பவித்ரனுக்கு கொரோனா வைரஸ் பாதிப்பு ஏற்பட்டது.

இதையடுத்து கண்ணூரில் இருக்கும் பரியரம் மருத்துவக் கல்லூரி மருத்துவமனையில் அனுமதித்தார்கள். இந்நிலையில் அவர் மாரடைப்பால் நேற்று மரணம் அடைந்தார்.

சிபிஐ கட்சியின் தேசிய துணை செயலாளராகவும், மாவட்ட செயலாளராகவும் இருந்தவர் பவித்ரன். அவர் இறந்த செய்தி அறிந்த திரையுலகினர் மற்றும் ரசிகர்கள் பவித்ரனின் ஆத்மா சாந்தியடைய பிரார்த்தனை செய்வதாக சமூக வலைதளங்களில் தெரிவித்துள்ளனர். மேலும் தந்தையின் இழப்பை தாங்க கடவுள் தான் நிகிலாவுக்கு தைரியம் கொடுக்க வேண்டும் என்று கூறியுள்ளனர்.

கேரள மாநிலத்தில் கொரோனா வைரஸ் பாதிப்பு அதிகரித்துக் கொண்டிருக்கிறது. இந்நிலையில் தான் பவித்ரனுக்கும் கொரோனா பாதிப்பு ஏற்பட்டது.

கெரியரை பொறுத்த வரை நிகிலா தமிழ், மலையாளம், தெலுங்கு படங்களில் கவனம் செலுத்தி வருகிறார். தற்போது நிகிலா கையில் இரண்டு மலையாள படங்களும், ஒரு தமிழ் படமும் இருக்கிறது.

மாப்பிள்ளை பார்த்தாச்சு: விஷாலின் முன்னாள் காதலிக்கு விரைவில் திருமணம்