விஜய் சேதுபதிக்கு ஜோடியாக நடிக்கும் நிவேதா பெத்துராஜ்!

நிவேதா பெத்துராஜ் நடிப்பில் கடைசியாக வெளியான படம் ‘திமிருபிடிச்சவன்’. அதற்கு முன்பு ஜெயம் ரவி நடிப்பில் வெளியான ‘டிக் டிக் டிக்’ படத்தில் நடந்திருந்தார். இந்தப் படம் கடந்த ஆண்டு வெளியானது. இந்தப் படம் விண்வெளி கதையை மையப்படுத்தி இருந்தது.

இந்தப் படம் ரசிகர்களிடம் நல்ல வரவேற்பைப் பெற்றது. இதை தொடர்ந்து விஜய் ஆண்டனிக்கு ஜோடியாக ‘திமிருபிடிச்சவன்’ படத்தில் மிரட்டல் போலீசாக நடித்திருந்தார். இந்த படமும் பாக்ஸ் ஓரளவுக்கு நல்ல வசூலை பெற்றது.

தற்போது அவர் வெங்கட்பிரபு இயக்கத்தில் ‘பார்ட்டி’ படத்தில் நடித்து முடித்துள்ளார். இந்தப் படம் விரைவில் வெளியாகவுள்ளது. மேலும் கயல் சந்திரனுக்கு ஜோடியாக ஒரு படத்திலும் பிரபுதேவாவுக்கு ஜோடியாக ‘பொன்மாணிக்கவேல்’ படத்திலும் நடித்து வருகிறார் நிவேதா பெத்துராஜ்.

தற்போது விஜய் மில்டன் இயக்கவுள்ள ஒரு படத்தில் விஜய் சேதுபதிக்கு ஜோடியாக நடிக்க ஒப்பந்தமாகியுள்ளார். விஜய் மில்டன் ஏற்கெனவே ‘கோலிசோடா’, ‘ஸ்கெட்ச்’ உட்பட பல படங்களில் இயக்கியுள்ளார். இந்தப் படத்தை விஜயா புரடெக்ஷன்ஸ் நிறுவனம் தயாரிக்கிறது.