Nani : ஹாட்ரிக் ஜோடி : நானிக்கு ஜோடியாகும் நிவேதா தாமஸ்!

விஜய், மோகன்லால், காஜல் அகர்வால் உட்பட பலர் நடிப்பில் வெளியான படம் ‘ஜில்லா’. இந்தப் படத்தில் விஜய்க்கு தங்கையாக நடித்தவர் நடிகை நிவேதா தாமஸ். இந்தப் படத்திற்கு முன் அவர் ‘போராளி’, ‘நவீன சரஸ்வதி சபதம்’ ஆகிய படத்தில் நடித்திருந்தார்.

இருந்தாலும், ‘ஜில்லா’ படத்தில் விஜய் தங்கையாகவும், ‘பாபநாசம்’ படத்தில் கமல்ஹாசனுக்கு மகளாகவும் நடித்த பின்புதான் இவரை ரசிகர்கள் பலரும் தெரிந்து கொண்டனர். அதையடுத்து இவர் மலையாளம், மற்றும் தெலுங்கில் பல படங்களில் நடித்து வருகிறார்.

மோகன கிருஷ்ணா இயக்கத்தில் கடந்த 2016 ல் வெளியான ‘ஜெண்டில் மேன்’ என்ற படத்தில் நானிக்கு ஜோடியாக நடித்திருந்தார் நடிகை நிவேதா தாமஸ். தற்போது இதே கூட்டணி மீண்டும் இணைந்துள்ளது. மேலும் இந்தப் படத்தில் சுதிர் பாபுவும் இணைகிறாராம். இந்தப் படத்தில் இன்னொரு ஹீரோயினாக அதிதி ராவ் நடிக்கிறாராம். விரைவில் இந்தப் படத்தின் படப்பிடிப்பு விரைவில் தொடங்கவுள்ளது.