பாகுபலி 2 படத்தை வாங்க ஆளில்லாமல் தவிக்கும் பட தயாரிப்பாளர்

பெங்களூரு : பாகுபலி 2ம் பாகம் படம் பார்க்க சினிமா ரசிகர்கள் மிக ஆர்வமாக உள்ளனர். இந்நிலையில் பாகுபலி 2 படத்தை கர்நாடகாவில் வாங்க ஆளில்லாத சூழல் நிலவுகிறது.

பாகுபலி முதல்பாகத்தின் மிகப்பெரிய பிரமாண்ட வெற்றியை அடுத்து, அதன் 2ம் பாகத்திற்காக பட விநியோகம் செய்யும் வேலை மிகவும் சுலபமானது பாகுபலி பட தயாரிப்பாளருக்கு.

ஆந்திரா, தெலுங்கானா, தமிழ்நாடு, கேரளா உள்ளிட்ட மாநிலங்களில் பாகுபலி 2 படத்தின் விநியோகம் மிக ஜோராக நடந்து வருகிறது. ஆனால் கர்நாடகாவில் மட்டும் இதன் விநியோகத்தை வாங்க ஆளில்லாத சூழல் நிலவுகிறது.

கடந்த கர்நாடகா பட்ஜெட்டின் போது, சினிமா டிக்கெட் விலை அதிகபட்சம் 200 ரூபாய் என நிர்ணயிக்கப்பட்டது. இதன் காரணமாக அதிக விலை கொடுத்து பாகுபலி 2ம் பாக படத்தை வாங்க எந்த விநியோகஸ்தர்களும் முன்வரவில்லை. இதனால் கர்நாடகாவில் மட்டும் இதுவரை பாகுபலி படம் விற்பனையாகாமல் உள்ளது.