ஹன்சிகாவுக்கு திருமணம் இப்போது இல்லை: தயார் மோனா

என் பொண்ணுக்கு இன்னும் திருமண வயது வரவில்லை என்கிறார் ஹன்சிகாவின் தயார் மோனா மோத்வானி.

தமிழ் திரையுலகில் ரசிகர்களால் சின்ன குஷ்பு என்று செல்லமாக அழைக்கப்படுபவர் நடிகை ஹன்சிகா. இவர் தமிழில் தனுஷ் நடித்த ‘மாப்பிள்ளை’ படம் மூலம் அறிமுகமானார். பின்னர் தொடர்ச்சியாக தமிழில் 12க்கும் மேற்பட்ட படங்களில் நடித்துள்ளார். சமீபத்தில், இவர் நடித்த படங்கள் எதுவும் வெற்றி பெறவில்லை.

இவர் தற்போது ஜெயம் ரவியுடன் நடித்துள்ள ‘போகன்’ படம், விரைவில் திரைக்கு வர உள்ளது. இந்நிலையில், பட வாய்ப்புகள் இல்லாததால், அவருக்கு திருமணம் செய்ய, பெற்றோர் முடிவு எடுத்துள்ளதாக தகவல் வெளியானது. இதை கேள்விப்பட்டதும், ஹன்சிகாவின் தாய் மோனா மோத்வானி பதறி போனார்.அவர் கூறுகையில், என் மகள் இன்னும் சின்ன பொண்ணுதான், அவளுக்கு இன்னும் திருமண வயது ஆகவில்லை. அவளுக்கு, இப்போது 24 வயதுதான் ஆகிறது. அதனால், இப்போதைக்கு அவளுக்கு திருமணம் இல்லை. அவள் இன்னும் மேலும் மேலும் பல படங்களில் நடிப்பார்’’ என்றார் மோனா மோத்வானி.