அரசியல் வேண்டாம் அஜித்தே போதும்! டுவிட்டரில் டிரெண்டாக்கிய அஜித் ரசிகர்கள்!!

நடிகர் அஜித் அரசியலுக்கு வர வேண்டும் என்று இயக்குநர் சுசீந்திரன் வலியுறுத்திய நிலையில், ‘அரசியல் வேண்டாம் அஜித்தே போதும்’ என்ற ஹேஷ்டேக் டுவிட்டரில் டிரெண்டாகி வருகிறது.

தற்போதைய திராவிட அரசியலில் மாற்றத்தை உண்டாக்க நடிகர் அஜித் அரசியலுக்கு வர வேண்டும் என்று இயக்குநர் சுசநீதிரன் நேற்று டுவீட் செய்திருந்தார். இது தொடர்பாக அவர் கூறியிருப்பதாவது: ’40 ஆண்டுகால திராவிட அரசியலில் மாற்றத்தை உருவாக்க உங்கள் ஒருவரால் மட்டுமே முடியும். தமிழக மக்களின் நலன்கருதி உங்களை மக்கள் பணிக்கு அழைக்கிறேன். இதுதான் 100% சரியான தருணம். வா தலைவா, மாற்றத்தை உருவாக்கு… உங்களுக்காக காத்திருக்கும், பலகோடி மக்களில் நானும் ஒருவன்..’ இவ்வாறு இயக்குநர் சுசீந்திரன் பதிவிட்டார்.

இந்நிலையில், சுசீந்திரனின் இந்த டுவீட் வெளியான சில மணி நேரங்களிலேயே அரசியல் வேண்டாம் அஜித்தே போதும்’ என்ற ஹேஷ்டேக் டுவிட்டரில் டிரெண்டாகியது. ஏற்கனவே, நடிகர் அஜித் தனக்கு எந்தவித அரசியல் ஈடுபாடும் இல்லை என்று அறிக்கையிட்டிருந்தார். இதனை ஏற்றுக்கொண்ட அஜித் ரசிகர்கள் தற்போது, அவர் அரசியலுக்கு வேண்டாம், அஜித் அஜித்தாகவே இருக்கட்டும் என்று பதிவிட்டு வருகின்றனர்.