என் பேரைக்கேட்டாலே சும்மா சிரிப்பீங்க! யோகி பாபு

மெர்சல் படத்தில் என்னுடைய பெயரைக் கேட்டாலெ சும்மா சிரிப்பீங்க என்று யோகி பாபு தெரிவித்துள்ளார்.

அட்லி இயக்கத்தில் தளபதி விஜய் தன்னுடைய 61வது படமான மெர்சல் படத்தில் நடித்து வருகிறார். இவருக்கு ஜோடியாக காஜல் அகர்வால், சமந்தா, நித்யாமேனன் ஆகியோர் பலர் நடிக்கின்றனர். மேலும், கோவை சரளா, யோகி பாபு, சத்யராஜ், சத்யன், வடிவேலு, எஸ்.ஜே.சூர்யா ஆகியோர் பலர் நடித்துள்ளனர். இந்நிலையில், நேற்று விஜய்யின் 43வது பிறந்தநாளை முன்னிட்டு யோகி பாபுவிடம் படத்தின் கதை பற்றி கேட்டபோது, அதற்கு சத்தியமா படத்தோட கதை பத்தி எனக்கு ஒன்னும் தெரியாது. விஜய் நடித்த ஜில்லா, தெறி ஆகிய படங்களில் சின்னதா ஒரு ரோல் பண்ணியிருப்பேன். ஆனால், படத்தோட எடிட்டிங்கில் நான் நடிச்ச சீன் எல்லாம் கட் ஆகிடுச்சு.

தற்போது விஜய் நடிக்கும் இப்படத்தில் நடிக்கிறீங்களானு கேட்டதற்கு படத்தி கதையைக் கூட கேட்காமல் நடித்தேன். தற்போது தான் படத்தோட டைட்டில் மெர்சல் என்று எனக்கு தெரியும். 3 கெட்டப்புக்கு ஏற்றமாதிரி படம் நல்லாயிருக்கு. இப்படத்தில் 3வது கெட்டப்பில் வரும் விஜய் – சமந்தாவுடன் தான் என்னுடைய ரோல் டிராவல் ஆகும். இதில், என்னோட ரோலின் பெயர் நோலா. ஆனால், பேரைக்கேட்டாலே பலர் சிரிப்பாங்க என்று தெரிவித்துள்ளார். ஜிவியுடன் நான் நடித்துள்ள செம படமும் ரிலீஸ் ஆகப்போகிறது. இதில், ஓமகுண்டம் என்ர பெயரில் தான் படம் முழுக்க நான் நடித்துள்ளேன்.

தொடர்ந்து சிவகார்த்திகேயனோட படங்கள் எல்லாத்திலேயும் நடிச்சிட்டு வரேன். வேலைக்காரன் படத்தில் மட்டும் கால்ஷீட் பிரச்சனை காரணமாக நடிக்க முடியாமல் போயிச்சு. அதனால், பொன்ராம் – சிவகார்த்திகேயன் கூட்டணியில் உருவாகும் அடுத்த படத்தில் நடிக்கப்போறேன். இதற்காக சீக்கிரமே குற்றாலம் போகவேண்டியிருக்கு என்று சொல்லிவிட்டுச் சென்றுள்ளார்.