நிர்வாண காட்சியில் நடித்தது என்னை பாதிக்கவில்லை: ராதிகா ஆப்தே!

நிர்வாண காட்சியில் நடித்தது என்னை எந்த வகையிலும் பாதிக்கவில்லை. எனக்கு கிடைத்த சுதந்திரமாக கருதுகிறேன் ‘’ என்று நடிகை ராதிகா ஆப்தே கூறியுள்ளார்.

ரஜினி நடித்த ‘கபாலி’ படத்தில் நடித்ததன் மூலம் பிரபலமானவர் நடிகை ராதிகா ஆப்தே.
''பார்ச்சுடு'' என்ற படத்தில் நிர்வாணமாக ராதிகா ஆப்தே நடித்து இருந்த புகைப்படம் சமீபத்தில் வெளியாகி பரபரப்பை ஏற்படுத்தியது. இதற்கு முன்பு ''கிளீன் ஷவென்'' னில் நடித்திருந்த அரை நிர்வாணக் காட்சிகள் வெளியாகி இருந்தது. இது பெரும்பாலான இணையதளங்கள் மற்றும் சமூக வலைதளங்களில் வெளியாகி பரபரப்பை ஏற்படுத்தி இருந்தது.

இதையடுத்து தனியார் தொலைகாட்சி ஒன்றுக்கு அளித்திருந்த பேட்டியில் ராதிகா ஆப்தே கூறுகையில், ''எனக்கு உண்மையில் அதிர்ச்சியாக இருந்தது. என்னை தொடர்பு கொண்டு சில பத்திரிக்கையாளர்கள் பேச நினைத்தனர். நான் பதில் அளிக்கவில்லை. இதை இப்படி ஊதி பெரிதாக்குவார்கள் என்று நினைக்கவில்லை. இதனால் நான் எந்த வகையிலும் பாதிக்கப்படவில்லை. நிர்வாணமாக நடித்தது எனக்கு கிடைத்த சுதந்திரமாக நான் கருதுகிறேன்'' என்று தெரிவித்து இருந்தார்.