Vijay: வாவ்….மாஸான அப்டேட் வெளியிட்ட அர்ச்சனா கல்பாத்தி: கைல லேப்டாப், கால்ல பந்து?

தளபதி விஜய் நடிப்பில் அட்லி இயக்கத்தில் உருவாகியுள்ள படம் பிகில". தெறி மற்றும் மெர்சல் படத்தைத் தொடர்ந்து அட்லியும் விஜய்யும் மூன்றாவது முறையாக இப்படத்தில் ஒன்று சேர்ந்துள்ளனர். கடந்த இரண்டு படங்கள் போலவே இந்தப் படமும் கமர்ஷியல் அமசங்கள் நிறைந்ததாக இருக்குமென தெரிகிறது.

இப்படத்தில் விஜய்க்கு நயன்தாரா ஜோடியாக நடித்துள்ளார். கதிர், இந்துஜா, ஜாக்கி ஷெராப் முக்கிய பாத்திரங்களில் நடித்துள்ளனர். ஏ ஜி எஸ் சார்பில் கல்பாத்தி அகோரம் இப்படத்தை தயாரித்துள்ளார். ஏ ஆர் ரஹ்மான் இப்படத்திற்கு இசையமைத்துள்ளார். ரூபன் எடிட் செய்ய விஷ்னு இப்படத்திற்கு ஒளிப்பதிவு செய்துள்ளார்.

விஜய் இப்படத்தில் அப்பா, மகன் இரு வேடங்களில் நடித்துள்ளார். மகன் விஜய் பெண்கள் கால்பந்து விளையாட்டு கோச்சாகவும், அப்பா விஜய் வடசென்னை தாதாவாகவும் நடித்துள்ளதாக தெரிகிறது. இப்படத்தின் போஸ்ட் புரோடக்‌ஷன் வேலைகள் தற்போது நடந்து வருகிறது. அண்மையில், இப்படத்தில் இடம்பெற்றுள்ள சிங்கப்பெண்ணே என்ற பாடல் வெளியாகி ரசிகர்களிடையே நல்ல வரவேற்புப் பெற்றது.

மேலும் படிக்க: ஈரான் நடிகை, ஏஆர் ரஹ்மான் இசை கலக்கும் ஜெயம் ரவி!

இதையும் படிங்க: பெங்களூரு மருத்துவமனையில் சூப்பர் ஸ்டார் ரஜினிகாந்த்: வைரலாகும் புகைப்படம்!

Also Read This: இரண்டாம் உலகப் போரின் கடைசி குண்டு டிரைலர் வெளியீடு!



இதையடுத்து, இப்படத்தில் விஜய் பாடிய வெறித்தனம் என்ற பாடலுக்காக ரசிகர்கள் ஆவலுடன் காத்திருக்கின்றனர். விரைவில், இப்படத்தின் இசை வெளியீட்டு விழாவும் நடக்க இருக்கிறது. வரும் செப்டம்பர் 15ம் தேதி அல்லது 22ம் தேதி பிகில் இசை வெளியீட்டு விழா நடைபெறும் என்று எதிர்பார்க்கப்படுகிறது.

இந்த நிலையில், இப்படத்தின் புதிய போஸ்டரை அர்ச்சனா கல்பாத்தி வெளியிட்டுள்ளார். அதன்படி, இந்தப் போஸ்டரில் விஜய் தனது வலது கையில் லேப்டாப் வைத்தபடி இடது காலில் பந்தை மிதித்துக் கொண்டு நிற்கிறார். இவரைத் தொடர்ந்து அடுத்தடுத்து வரிசையில், யோகி பாபு, ஐ.எம்.விஜயன் ஆகியோர் ஒருபுறமும், ஆனந்தராஜ் உள்பட மற்ற வீரர்கள் இருப்பது போன்றும் இந்த போஸ்டர் அமைந்துள்ளது. அதோடு, படம் தீபாவளிக்கு வெளிவரும் என்று முக்கிய அறிவிப்பும் வெளியாகியுள்ளது.

இப்படத்திற்கு போட்டியாக கார்த்தியின் கைதி படமும், விஜய் சேதுபதியின் சங்கத் தமிழன் படமும் வெளியாகிறது என்பது குறிப்பிடத்தக்கது.