ஏ.ஆர்.ரஹ்மானிற்கு 'Rap Smash' பாடல் மூலம் வாழ்த்து கூறிய லேடி காஷ்

சென்னை: ஏ.ஆர்.ரஹ்மானிற்கு பாடல் மூலம் பாப் பாடகர் லேடி காஷ், பிறந்தநாள் வாழ்த்து கூறியுள்ளார்.

இசைப்புயல் ஏ.ஆர்.ரஹ்மான் நேற்று தனது 50வது பிறந்தநாளைக் கொண்டாடினார். கடந்த 1992ஆம் ஆண்டு ரோஜா படத்தின் மூலம் திரை உலகுக்கு வந்தார். இதன்பிறகு படிப்படியாக உயர்ந்து, இந்தியாவின் பல்வேறு மொழிகளில் இசையமைக்கும் வாய்ப்பை பெற்றார். பின்னர் ஹாலிவுட்டிற்கு சென்று, ஆங்கிலப் படத்திற்கு இசையமைத்து, 2 ஆஸ்கர் உள்ளிட்ட ஏராளமான விருதுகளைப் பெற்றார்.

https://t.co/nk3j1ysnsf — A.R.Rahman (@arrahman) January 7, 2017 இவருக்கு பிறந்தநாள் வாழ்த்து கூறும் வகையில், பிரபல பாப் பாடகர் லேடி காஷ், பாடல் ஒன்றை இயற்றியுள்ளார். நம் வாழ்க்கையில் ஏராளமான மனிதர்களை சந்தித்திருந்தாலும், ஒரு சிலர் மட்டுமே மனதில் இடம்பிடித்து செல்கின்றனர்.

தொடர்ந்து நம்மை அமைதியான ஊக்குப்படுத்தி கொண்டு, புகழ் பெறச் செய்வர். அப்படி ஒருவரான ஏ.ஆர்.ரஹ்மானிற்கு தனது பாடலை சமர்பிப்பதாக லேடி காஷ் கூறியுள்ளார். இந்த பாடலை ஏ.ஆர்.ரஹ்மான் தனது டிவிட்டரில் பதிவிட்டுள்ளார்.

Official Music Video of "Rap Smash" by Lady Kash. Powered by AKASHIK. Music re-arrangement & production by Balamurali Balu.