ஓலா கார் பயன்படுத்துபவர்களுக்கு பிரபல நடிகை எச்சரிக்கை

ஓலா கார் வாடிக்கையாளர்களை மிகவும் ஜாக்கிரதையாக இருக்குமாறு ’ட்ரீமஸ்’ திரைப்படத்தின் நாயகி பாருல் யாதவ் கேட்டுக்கொண்டுள்ளார்.

சில ஆண்டுகளுக்கு முன்பு கஸ்தூரி ராஜா இயக்கத்தில், தனுஷ் கதாநாயகனாக நடித்திருந்த படம் ட்ரீம்ஸ். இந்த படத்தில் பரூல் யாதவ் முக்கிய கதாபாத்திரத்தில் நடித்திருந்தார்.

சமீபத்தில் பெங்களூரிவிலிருந்து விமான நிலையம் செல்வதற்காக, பரூல் ஓலா மூலமாக வாடகை கார் ஒன்றை பெற்றுள்ளார். அதில் பயணித்து செல்லும் இடத்தை அடைந்தபோது கையில் கடிகாரம் இல்லாமல் இருப்பதை கவனித்துள்ளார்.

தங்கியிருந்த இடத்திலிருந்து புறப்பட்ட போது, கையில் கடிகாரம் இருப்பதை பருல் யாதவ் கவனித்துள்ளார். ஆனால் தற்போதில்லை. இதனால் ஓலா கார் ஓட்டுநரிடம் விசாரித்துள்ளார்.


அதற்கு ஓட்டுநர் காரில் கை கடிகாரம் இல்லை என்று கூறியுள்ளார். கடிகாரத்தில் விலை சற்று கூடுதல் என்பதால், மிகவும் கவனத்துடன் இருந்ததாகவும் அதனால் காரில் தான் கை கடிகார் இருக்கும் எனவும் திருப்பி திருப்பு ஓட்டுநரிடம் தெரிவித்துள்ளார்.


ஆனால் ஓலா கார் ஓட்டுநர் இல்லை என்று சாதித்து விட, தாமதிக்காமல் பருல் யாதவ் காவல்துறையில் புகார் அளித்துள்ளார். பெங்களூரு காவல்துறை பருல் யாதவின் பொருட்களை மீட்டு தந்துள்ளனர்.

இந்த சம்பவத்தை குறித்து தனது ட்விட்டர் பக்கத்தில் பதிவிட்டுள்ள பருல் யாதவ், ஓலா நிறுவனம் பணியமர்த்தும் ஓட்டுநர் விவரங்களை முறையாக பெறுவதில்லை. மேலும் இதுதொடர்பான புகார்களுக்கு ஓலாவின் கஸ்டமேர் கேர் துறையும் செவிசாய்ப்பதில்லை.

அதனால் பொதுமக்கள் இதுபோன்ற வாடகை கார் நிறுவனங்களிடம் முன்னெச்சரிக்கையுடன் இருக்க வேண்டும். உடமைகளை பாதுகாப்பது நமது பொறுப்பு என்பதை உணரே வேண்டும் என பருல் யாதவ் ட்வீட் செய்துள்ளார்.