‘ஜீன்ஸ்’ படத்திற்குப் பிறகு மீண்டும் வெள்ளித்திரையில் தோன்றும் நடிகை லட்சுமி!

எம்.ஜி.ஆர்., சிவாஜி நடித்து வந்த காலத்தில் தமிழ் சினிமாவில் பிரபல நடிகையாக வலம் வந்தவர் நடிகை லட்சுமி. தமிழில் இவர் ஏராளமான படங்களில் நடித்துள்ளார். இவர் கடைசியாக, பிரசாந்த், உலக அழகி ஐஸ்வர்யா ராய் ஆகியோர் நடிப்பில் ஷங்கர் இயக்கத்தில் வெளியான ‘ஜீன்ஸ்’ படத்தில் நடித்திருந்தார்.

இந்தப் படம் வெளியாகி 20 ஆண்டுகள் ஆகிவிட்டன. தற்போது நடிகை சமந்தா நடித்து வரும் ‘ஓ பேபி’ என்ற படத்தில் இணைந்து நடித்துள்ளார் நடிகை லட்சுமி. இந்த படத்தில் நடிகை சமந்தாவும், நடிகை லஷ்மியும் நடனம் ஆடிய புகைப்படங்கள் தற்போது சமூக வலைத்தளங்களில் வைரலாகி வருகிறது.

இந்த படம் “மிஸ் கிராணி” படத்தின் ரீ-மேக் படமாகும் . இந்த படத்தில் 70 வயதுடைய மூதாட்டி 20 வயது பெண்ணாக மாறிய பிறகு நடக்கும் நகைச்சுவைத்தனமான சம்பவங்கள் இந்த படத்தில் இடம் பெற்றுள்ளது. இந்த படம் கடந்த 2014 ஆண்டு கொரிய மொழியில் வெளியான படமாகும். நந்தினி ரெட்டி இந்த படத்தை இயக்குகிறார். இந்நிலையில் இந்த படத்தின் படப்பிடிப்புகள் தற்போது முடிவடைந்துள்ளது.

இந்நிலையில் இந்த படத்தில் ஒரு முக்கிய கதாபாத்திரத்தில் நடிகை லட்சுமி நடித்துள்ளார். இந்நிலையில் நடிகை லட்சுமி 20 வருடங்களுக்கு வெளிவந்த ‘ஜீன்ஸ்’ படத்திற்கு பிறகு இந்த படத்தில் தான் நடனம் ஆடியுள்ளார்.