BIGIL Tree Planting Challenge: மரக்கன்றுகள் நட்டு வைத்து விஜய்க்கு பெருமை சேர்த்த ரசிகர்கள்!

உலகம் முழுவதும் ஏராளமான ரசிகர்களை கொண்டவர் தளபதி விஜய். இவரை அண்ணா என்று தான் ரசிகர்கள் பலரும் அழைப்பது உண்டு. தற்போது தெறி மற்றும் மெர்சல் ஆகிய படங்களைத் தொடர்ந்து 3ஆவது முறையாக அட்லி இயக்கத்தில் பிகில் படத்தில் நடித்துள்ளார். முழுக்க முழுக்க பெண்களின் கால்பந்தை மையப்படுத்தி இப்படம் உருவாக்கப்பட்டுள்ளதாக கூறப்படுகிறது. அண்மையில், இப்படத்தில் இடம்பெற்றுள்ள பெண்களை மையப்படுத்திய சிங்கப்பெண்ணே என்ற பாடல் வெளியாகி ரசிகர்களிடையே நல்ல வரவேற்பு பெற்றது.

Also Read: Mambazhamam Mambazham Song: ஈரான் ஜிம்மில் விஜய்யின் மாம்பழமாம் மாம்பழம் பாடல்: எப்படியெல்லாம் ஆடுறாங்க பாருங்க!

விரைவில் விஜய் பாடிய வெறித்தனம் என்ற பாடல் வெளியாகும் என்று எதிர்பார்க்கப்படுகிறது. அதே போன்று டிரைலர் மற்றும் இசை வெளியீட்டு விழா அடுத்தடுத்து நடக்க இருப்பதாக கூறப்படுகிறது. தற்போது பிகில் படத்தின் போஸ்ட் புரோடக்‌ஷன் பணிகள் விறுவிறுப்பாக நடந்து வருவதாக தகவல் வெளியாகியுள்ளது.


இதற்கிடையில், கடந்த சில தினங்களுக்கு முன்பு இப்படத்தின் படப்பிடிப்பு முடிக்கப்பட்டு, பிகில் படக்குழுவின் 400 கலைஞர்களுக்கு தங்க மோதிரத்தை விஜய் நினைவுப்பரிசாக அளித்துள்ளார். அதே போன்று கால்பந்து வீராங்கனைகளுக்கு தனது கையெழுத்து போடப்பட்ட கால்பந்தை பரிசாக வழங்கியுள்ளார் என்பது குறிப்பிடத்தக்கது. வரும், தீபாவளி பண்டிகையை முன்னிட்டு இப்படம் திரைக்கு வரவுள்ளது என்பது குறிப்பிடத்தக்கது.

Also Read: இதுவரை இல்லாத மாஸ் ஆக்ஷன்: விஜய் சேதுபதியின் புதிய அவதாரத்தில் சங்கத்தமிழன் டீசர் இதோ!


இந்த நிலையில், இன்று நாடு முழுவதும் 73ஆவது சுதந்திர தினம் கோலாகலமாக கொண்டாடப்படுகிறது. இதனை சிறப்பிக்கும் வகையிலும், விஜய்க்கு பெருமை சேர்க்கும் வகையிலும் #BIGILTreePlantingChallenge என்ற ஹேஷ்டேக் மூலம் அவரது ரசிகர்கள் மரக்கன்றுகளை நட்டு வருகின்றனர். ஆம், தளபதி விஜய் மக்கள் பேரவை சார்பில் மரக்கன்றுகள் நட்டு வருகின்றனர்.

Also Read: Comali: அதுக்குள்ள ஓரங்கட்டப்பட்ட தல அஜித்தின் நேர்கொண்ட பார்வை!


ஏற்கனவே 500 படங்களுக்கு அதிகமாக நடித்துள்ள காமெடி நடிகர் விவேக் 30.33 லட்சம் வரையில் மரக்கன்றுகள் நட்டு வைத்துள்ளார். அவரது குறிக்கோள் என்னவோ 1 கோடி மரக்கன்றுகள் நட்டு வைப்பது என்பது குறிப்பிடத்தக்கது. இதனை தற்போது விஜய் ரசிகர்கள் பின்பற்றி வருகின்றனர். TVMP என்று சொல்லப்படும் தளபதி விஜய் மக்கள் பேரவை சார்பில் விஜய் ரசிகர்கள் பிகில் போஸ்டரில் #BIGILTreePlantingChallenge ஹேஷ்டேக் உருவாக்கப்பட்டு அதில், மரம் மண்ணின் வரம்! மரம் வளர்ப்பதே மனித அறம் என்ற வாசகத்தை இடம்பெறச் செய்துள்ளனர் எனப்து குறிப்பிடத்தக்கது.