அஜித்துடன் இணையும் ரங்கராஜ் பாண்டே!

மறைந்த நடிகை ஸ்ரீதேவியின் கணவர் போனி கபூர் தயாரிக்கவுள்ள புதிய படத்திற்கான பூஜை நேற்று போடப்பட்டது. இந்தப் படத்தின் ஹீரோவாக அஜித் நடிக்கிறார். இந்தப் படத்தை ‘தீரன்’ பட இயக்குனர் எச். வினோத் இயக்கவுள்ளார். அதிக கடனில் தத்தளிக்கும் ஸ்ரீதேவியின் கணவர் போனிக் கபூரின் கடன்சுமையை குறைப்பதற்காக அஜித் மிகக்குறைந்த சம்பளத்தில் இந்தப் படத்தில் நடிக்க இருப்பதாக தகவல்கள் வெளியாகி உள்ளது.

இந்தப் படத்தின் படப்பிடிப்ப நேற்று பூஜையோடு தொடங்கியது. இந்தப் படத்தினைக் குறுகியக் காலப் படமாக முடித்து அடுத்தாண்டு மே 1 அஜித் பிறந்தநாளில் வெளியிட முடிவு செய்துள்ளதாகத் தெரிகிறது. இந்தப் படத்தில் ‘ஏஏஏ’ படத்தின் இயக்குனர் ஆதிக் ரவிச்சந்திரனும், பிரபல பத்திரிகையாளர் ரங்கராஜ் பாண்டேவும் ஒரு முக்கியக் கதாபாத்திரத்தில் நடிக்க இருப்பதாகக் கூறப்படுகிறது.

மேலும் இந்தப் படத்திற்கு நீரவ்ஷா ஒளிப்பதிவு செய்கிறார். மேலும் அஜித்தின் ஆஸ்தான இசையமைப்பாளர் யுவன் ஷங்கர் ராஜா இசையமைக்கவுள்ளார். இந்த பட பூஜையில் பத்திரிகையாளர் ரங்கராஜ் பாண்டே கலந்து கொண்டார்.