மணிரத்னம் இயக்கும் ’காற்று வெளியிடை’: ரஹ்மான் இசையில் ’அழகியே’ பாடல்

சென்னை: மணிரத்னம் இயக்கும் ’காற்று வெளியிடை’ படத்தில் இடம்பெறும் ரஹ்மான் இசையில் உருவான ’அழகியே’ பாடலின் ப்ரோமோ வெளியாகியுள்ளது.

மணிரத்னம் இயக்கத்தில் கார்த்தி, அதிதி ராவ் உள்ளிட்டோர் நடிப்பில் உருவாகி வரும் திரைப்படம் ‘காற்று வெளியிடை’. இப்படத்திற்கு ஏ.ஆர்.ரஹ்மான் இசையமைத்துள்ளார். மணிரத்னத்தின் மெட்ராஸ் டாக்கீஸ் நிறுவனம் தயாரித்து, தேனாண்டாள் பிலிம்ஸ் வெளியிடுகிறது. 'காற்று வெளியிடை' படத்தின் முதல்பார்வை, கடந்த மாதம் வெளியானது. அது ரசிகர்கள் இடையே பெரும் வரவேற்பை பெற்றுள்ளது.

இந்நிலையில் அப்படத்தின் ‘அழகியே’ பாடல் ப்ரோமோ வெளியாகியுள்ளது. விமான ஓட்டியாக நடித்து வரும் கார்த்தி, அந்த உடையிலேயே பாடல் காட்சியில் இடம்பெற்றுள்ளார். சாக்லேட் பாயாக கார்த்தியும், அதிதி ராவும் சிறப்பாக காட்சிப்படுத்தப்பட்டுள்ளனர். Waiting for the புன்னகை... சிரிடி...! எனத் தொடங்கும் பாடல் ரசிகர்களை கவரும் என்பதில் எந்த சந்தேகமும் இல்லை. இப்படம் வரும் ஏப்ரல் 7ஆம் தேதி வெளியாகும் என்று தெரிவிக்கப்பட்டுள்ளது.

One minute video of #Azhagiye from #KaatruVeliyidai released.