ஆட்டோ டிரைவராக நடிக்க ஒரு வாரம் பயிற்சி எடுத்துக் கொண்ட நடிகை

படத்தில் ஆட்டோ டிரைவராக நடிக்க ஒரு வாரம் ஆட்டோ ஓட்டும் பயிற்சியை மேற்கொண்டுள்ளார் நடிகை அபர்ணா பாலமுரளி.

கடந்த ஆண்டு மலையாளத்தில் பகத் பாசில் நடித்து வெளியான ‘மகேஷிண்டே பிரதிகாரம்‘ படத்தில் ஜிம்ஸி என்கிற கேரக்டரில் அபர்ணா முரளி நடித்திருந்தார். இந்த ஒரே படத்தில் ரசிகர்களின் ஒட்டுமொத்த ஆதரவையும் பெற்றார். தமிழிலும் இவர் ‘8 தோட்டாக்கள்’ என்ற படத்தில் நடித்துள்ளார். இந்தப் படத்திலும் இவரது நடிப்பு பாராட்டுக்குறியதாக அமைந்தது.

இந்த நிலையில் அபர்ணா பாலமுரளியின் படங்கள் அடுத்தடுத்து திரைக்கு வருகின்றன. அதில்அபர்ணாவின் நடிப்பும் பாராட்டை பெற தவறவில்லை. கடந்த ஜூலை மாதம் அபர்ணா நடித்த ‘சண்டேஹாலிடே’ படம் வெளியானது. இந்தப் படம் நல்ல வசூலை பெற்றது. தற்போது இந்தப் படத்தை தமிழில் ரீமேக் செய்யவுள்ளார்கள்.

கடந்த வாரம் அபர்ணா நடிப்பில் உருவான இன்னொரு படம் ‘சர்வோபரி பாலக்காரன்’ வெளியாகியுள்ளது. நேற்று அவர் நடித்த ‘திருச்சிவபேரூர் கிளிப்தம்‘ என்கிற படம் ரிலீசாகியுள்ளது. இதில் ஆட்டோ டிரைவராக நடித்துள்ளார் அபர்ணா. இதற்காக ஒரு வாரம் ஆட்டோ ஓட்டுவதற்கு பயிற்சிஎடுத்துக் கொண்டதுடன் படத்தில் எந்தவித மேக்கப்பும் இல்லாமல் நடித்துள்ளாராம்.

இந்தப்படத்தில் ஆசிப் அலி கதாநாயகனாக நடித்துள்ளார். இதே ஆசிப் அலியுடன் தான் கடந்த மாதம் வெளியான ‘சண்டே ஹாலிடே’ படத்தில் அபர்ணா ஜோடியாக நடித்திருந்தார் என்பதும் குறிப்பிடத்தக்கது. இந்தப்படத்தை அறிமுக இயக்குனர் ரதீஷ்குமார் இயக்கியுள்ளார்.

one week practiced in auto driving