Omar Lulu: பட புரமோஷனுக்கு வராத கண்சிமிட்டி நடிகை மீது இயக்குனர் புகார்!

ஒரு படத்தின் மூலம் ஒட்டு மொத்த இந்தியாவையே திரும்பிப்பார்க்க வைத்தவர் நடிகை பிரியா வாரியர். இவர் அறிமுகமான முதல் படம் ‘ஒரு அடார் லவ்’. இந்தப் படத்தில் இடம்பெற்ற இவரது கண்ணசைவு சீன் இளைஞர்கள் மத்தியில் மிகவும் பிரபலமானது.

இந்நிலையில், ‘ஒரு அடார் லவ்’ படத்தின் இயக்குனர் ஓமர் லாலு, இந்த படத்தின் கதாநாயகியாக நூரின் ஷெரீப்பைதான் முதலில் தேர்வுசெய்தார். பின்னர் படத்தில் பிரியா வாரியர் கண்ணடித்து நடித்தது பிரபலம் ஆனதால் நூரினை துணை நடிகையாக்கி, பிரியா வாரியரை முதன்மை நடிகையாக மாற்றினேன்.

இந்தப் படம் கடந்த மாதம் வெளியானது. ஆனால் எல்லோரும் எதிர்பார்த்த மாதிரி இந்தப் படம் வெற்றிபெறவில்லை. இந்நிலையில், இயக்குனர் ஓமர் லாலு, நடிகை பிரியா வாரியர் மீது மலையாள நடிகர் சங்கத்தில் புகார் அளித்துள்ளார்.

‘‘ஒரு அடார் லவ்’ படத்தின் மூலம் அவருக்கு ஏராளமான புகழ் கிடைத்துள்ளது. அவருக்கு எங்களால் கிடைத்த புகழை எல்லாம் மறந்து பட புரமோ‌ஷனுக்கு வரவில்லை. படம் வெளியான பின்பு படத்தை பிரபலபடுத்தும் நிகழ்ச்சிகளிலும் அவர் பங்கேற்கவில்லை. அது சரியானதல்ல. எதிர்காலத்தில் அவர் இதுபோல் நடந்து கொள்ளக்கூடாது‘‘ என்று கூறியுள்ளார்.