ஒரு சான்ஸ் குடு பொண்ணு.. கெளதம் மேனனின் ரொமான்டிக் பாடல் வெளியாகி வைரல்

தமிழ் சினிமாவில் முன்னணி இயக்குனர் கெளதம் வாசுதேவ் மேனன். அவர் ஒன்றாக எண்டர்டெயின்மென்ட் நிறுவனம் மூலமாக பல ஒரிஜினல் பாடல்கள் மற்றும் குறும்படங்களை தயாரித்து வெளியிட்டு வருகிறார்.

இரண்டு வாரங்களுக்கு முன்பு சிம்பு மற்றும் த்ரிஷா ஆகியோர் நடிப்பில் 'கார்த்திக் டயல் செய்த எண்' என்ற பெயரில் குறும்படத்தை இயக்கி வெளியிட்டார் அவர். கோரோனா லாக்டவுனில் முழுக்க முழுக்க தனது வீட்டில் இருந்தே கெளதம் மேனன் இந்த குறும்படத்தினை இயக்கி இருந்த நிலையில் இணையத்தில் அதற்கு நல்ல வரவேற்பு கிடைத்தது. விண்ணைத்தாண்டி வருவாயா படத்தின் தொடர்ச்சியாக தான் இந்த குறும்படம் எடுக்கப்பட்டு இருந்தது.

இருப்பினும் அந்த குறும்படத்தினை மீம் மேக்கர்கள் சமூக வலைத்தளங்களில் கலாய்த்து தள்ளிவிட்டனர். நீ எனக்கு மூன்றாவது குழந்தை மாதிரி என சிம்புவை த்ரிஷா கூறியது பற்றி பல மீம்கள் இணையத்தில் உலா வந்தது.

இந்நிலையில் தற்போது சாந்தனு, மேகா ஆகாஷ், மெட்ராஸ் கலையரசன் ஆகியோர் நடிப்பில் 'ஒரு சான்ஸ் கொடு' என்ற பாடலை வெளியிட்டுள்ளார் கௌதம் மேனன். நேற்று ஒன்றாக யூடியூப் சேனலில் வெளியிடப்பட்டு உள்ள இந்த பாடலை கார்த்திக் மற்றும் கானா குணா ஆகியோர் பாடி உள்ளனர்.


சாந்தனு மற்றும் மேகா ஆகாஷ் இருவரும் காதலர்களாக இருக்கும் நிலையில், சாந்தனு நடிகராக அறிமுகம் ஆகி, படத்தில் ஒரு பெண்ணுடன் மிக நெருக்கமாக நடித்திருப்பதை பார்த்து மேகாவுக்கு கோபம் வருகிறது.

உடனே போன் செய்து அவரிடம் சண்டை போட்டு உடனே அவரை பிளாக் செய்து விடுகிறார். இது பற்றி அவர் நண்பர் கலையரசனுக்கு போன் செய்து புலம்ப, அவர் உடனே மேகாவுக்கு வீடியோ காலில் போன் செய்து "ஒரு சான்ஸ் கொடு பொண்ணு.." என பாடி நடனம் ஆடுகிறார். மேகா சமாதானம் ஆனாரா?அதற்காக சாந்தனு மற்றும் கலையரசன் என்னவெல்லாம் செய்கிறார்கள் என்பது தான் ஒரு சான்ஸ் கொடு பாடலின் கரு.

கெளதம் மேனன் எப்போதும் ரொமான்டிக் படங்கள் எடுப்பதற்கு புகழ் பெற்றவர். மின்னலே படம் துவங்கி தற்போது வரை அவரது படங்களில் காதலை அவர் காட்டும் விதம் ரசிகர்களை வெகுவாக கவர்ந்திருக்கின்றன. அதே பார்முலாவில் உருவாகி இருப்பது தான் இந்த பாடலும். காதல், பிரென்ட்ஷிப், காதலர்கள் இடையே தவறான புரிதல்கள் ஆகியவற்றை பற்றி மிக அழகாக பாடல் வடிவில் கொடுத்து நம்மை ரசிக்க வைத்துள்ளார்.

கொரோனா லாக்டவுனில் வீட்டில் மொட்டை மாடியிலேயே முழு பாடலையும் ஷூட் செய்துள்ளனர். இந்த பாடலை உருவாக்க கொரோனா லாக்டவுன் முன்பே பாடகர் கார்த்திக் உடன் இணைந்து திட்டமிட்டாலும் அதை சமீபத்தில் தான் படமாக்கி உள்ளார் கெளதம் மேனன்.

அவரது வீட்டின் மொட்டை மாடியில் தான் இதை ஷூட் செய்துள்ளனர். நடிகர்கள் தவிர மொத்தம் ஏழு பேர் மட்டுமே குழுவில் இணைந்து பணியாற்றி உள்ளனர். அதனால் இந்த கொரோனா லாக்டவுன் நேரத்தில் ஒரு நண்பர்கள் ரீயூனியன் போலத்தான் 'ஒரு சான்ஸ் கொடு' பாடல் உருவனது என கெளதம் மேனன் தெரிவித்து உள்ளார்.

அரசின் வழிமுறைகளை பின்பற்றி நடிகர்கள் தவிர மற்றவர்கள் அனைவரும் சமூக இடைவெளியை பின்பற்றி மாஸ்க் அணிந்து தான் பணியாற்றினார்களாம்.

நேற்று மாலை வெளியான இந்த பாடல் தற்போது வரை மூன்று லட்சத்திற்கும் அதிகமான பார்வைகளை பெற்று உள்ளது.