மாஸ்டர்
மாஸ்டர் படத்தில் நடிகர் விஜய், விஜய் சேதுபதி உள்ளிட்ட பலர் நடிக்கின்றனர். படத்தின் அப்டேட்கள் அவ்வப்போது வந்து ரசிகர்களை குஷிப்படுத்திக் கொண்டிருக்கின்றன. இந்த நிலையில்தான் தற்போது மாஸ்டர் படத்தின் பாடல் பற்றிய தகவல் வெளியாகியுள்ளது. அதிகாரப்பூர்வமாக லோகேஷ் கனகராஜ் மற்றும் சோனி மியூசிக் சவுத் ட்விட்டர் பக்கத்தில் வெளியானது.
ஒரு குட்டிக் கதை
ஒரு குட்டிக் கதை என்றே தொடங்கும் இந்த பாடலின் லிரிக் வீடியோ காதலர் தினத்தன்று மாலை 5 மணிக்கு வெளியாகும் என அறிவிக்கப்பட்டுள்ளது.
வழக்கமாக தனது படத்தின் இசை வெளியீட்டு விழாக்களில் விஜய் குட்டி கதை சொல்லுவார். இது அவரது ரசிகர்களுக்கான கருத்தாகவும், அரசியல் சர்ச்சைக்குரிய கருத்தாகவும் அமையும். இந்த முறையும் இதுபோன்ற குட்டிக் கதை ஒன்றை ரசிகர்கள் எதிர்பார்த்து காத்திருந்தாங்க. அவர்களுக்கு குட்டிக் கதை என்ற பாடலையே பரிசாக கொடுக்க இருக்குறாங்க படக்குழு.
என்ன சொல்ல போறாரோ?
இசை வெளியீட்டு விழாக்களிலேயே குட்டி கதைகள் மூலம் ரசிகர்களையும் பரபரப்பாக்குவாரு விஜய். இப்ப விஜய் ரசிகர்கள் மட்டும் இல்லாம, எல்லாருமே இந்த பாடல கேட்க வெயிட்டிங்க்ல இருக்காங்க. இந்த குட்டிக் கதை பாடல்ல அப்படி என்ன சொல்லப் போறாங்களோ? அரசியல் பத்தி ஏதும் வரிகள் இருக்குமான்னும் எதிர்பார்த்து காத்திருக்காங்க மக்கள். இணையதள வாசிகளும் மாஸ்டர் அப்டேட் வந்த உடனேயே டிரெண்டிங் கொண்டு வரும் வேலைய தொடங்கிட்டாங்க.
இசை வெளியீடு எப்போது?
முன்னதாக விஜய் வீட்டில் ரெய்டு நடந்தபோது, அவரது ரசிகர்கள் இசை வெளியீட்டு விழாவை எதிர்நோக்கி காத்திருப்பதாக ட்விட் செய்து வந்தனர். இசை வெளியீட்டு விழாவில் சம்பவம் இருக்கு என்பன போன்று மீம்களையும் உருவாக்கி, பகிர்ந்தும் வந்தாங்க. எனினும் இசை வெளியீடு பற்றி படக்குழு எந்த அப்டேட்டையும் தரல. இப்படி ஒரு சூழ்நிலையிலதான், விஜய் ரசிகர்களுக்கு இரட்டிப்பு சந்தோசமா முதல் சிங்கிள் அப்டேட் கிடச்சிருக்கு. அட அப்ப அந்த ரெண்டாவது சந்தோசமான செய்தி என்னனு கேக்குறீங்களா?
விஜய் 65
மாஸ்டர் படமே முடியல அதுக்குள்ள இன்னொரு படமானு யோசிக்க வைக்குறமாதிரி, இன்னொரு அப்டேட் அதுவும் விஜய் 65 படத்த பத்தி வந்துருக்கு. விஜய் ரசிகர்கள் ஆவலோடு எதிர்பார்த்து காத்திருந்தமாதிரி, சன்பிக்சர்ஸ்தான் விஜய் நடிக்கும் 65 வது படத்த தயாரிக்க இருக்குறாங்களாம். இந்த படம் 2021, பொங்கலுக்கு ரிலீசாக திட்டமிட்டிருக்காம் சன்பிக்சர்ஸ். ஆமா இந்த படத்தோட இயக்குநர் யாருன்னு தெரியுமா?
கடைசியில இவருமாய்யா...: விஜய் பற்றி தீயாக பரவிய செய்தி