காதலில் மூழ்கிய ஓவியா - ஆரவ்? வைரலாகும் கடற்கரை புகைப்படங்கள்!

பிக் பாஸ் தமிழ் மூலம் புகழ் பெற்றவர்கள் ஓவியா - ஆரவ். அந்த நிகழ்ச்சியின் போது ஆரவ் மீது தீராத காதல் கொண்டு, பல்வேறு சர்ச்சைகளை அடுத்து வெளியேறினார். பிக் பாஸ் முடிந்த பிறகும், இருவரின் நட்பு தொடர்ந்து வருகிறது.

ஆங்காங்கே நிகழ்ச்சிகளில் சந்திக்கும் போது எடுக்கப்படும் புகைப்படங்கள் சமூக வலைத்தளங்களில் வைரலாவது உண்டு. இந்நிலையில் சமீபத்தில் ஆரவ் தனது இன்ஸ்டாகிராமில் ஓவியா உடன் எடுத்த புகைப்படத்தை பதிவிட்டுள்ளார்.

அதில் இருவரும் கடற்கரை ஒன்றில் இருக்கின்றனர். மேலும், ‘இந்த புகைப்படம் செல்பி எடுத்து பதிவிட வேண்டும் என்று விரும்பிய மக்களுக்காக... ஹெலு, நான் மற்றும் சூப்பர்மேன்’ என்று குறிப்பிட்டுள்ளார்.

இந்த புகைப்படத்தில் ஆரவ் - ஓவியா உடன் மற்றொரு நபரும் இருக்கிறார். அவர் குறித்த தகவல்கள் தெரியவில்லை. நடிகை ஓவியாவின் உண்மையான பெயர் ஹெலன். இதனை அன்போடு ‘ஹெலு’ என்று ஆரவ் குறிப்பிட்டுள்ளார்.

தமிழ் திரையுலகில் ஓவியா மிகவும் பிஸியான நபராக வலம் வந்து கொண்டிருக்கிறார். ’காஞ்சனா 3’, ’சிலுக்குவார்பட்டி சிங்கம்’, ’களவானி 2’, ’90 ML' ஆகிய படங்களில் ஓவியா நாயகியாக நடித்து வருகிறார்.

அதேசமயம் ‘ராஜாபீமா’ என்ற படத்தின் மூலம் திரையுலகிற்கு ஆரவ் அறிமுகமாகிறார். இப்படத்தில் பிஸியாக நடித்துக் கொண்டிருக்கிறார்.