சின்னதா ஒரேயொரு குத்தாட்டம் போடும் பிக்பாஸ் ஓவியா!

விஷ்ணு விஷால் நடிக்கும் சிலுக்குவார்பட்டி சிங்கம் படத்தில் நடிகை ஓவியா குத்துப்பாட்டுக்கு நடனம் ஆட இருக்கிறார்.

‘களவாணி’ படம் மூலம் தமிழில் அறிமுகமானவர் நடிகை ஓவியா. கேரளத்து பைங்கிளியான ஓவியா சுந்தர்.சியின் ‘கலகலப்பு’ படத்தில் கவர்ச்சி நாயகியாக உருவெடுத்தவர், அஞ்சலியுடன் இணைந்து குத்துப்பாட்டு நடிகைகளுக்கு இணையாக அதிரடி ஆட்டமும் ஆடினார். அதன் பிறகு அவர் நடித்த படங்கள் சொல்லிக்கொள்ளும்படி இல்லை. இந்நிலையில், தனியார் தொலைக்காட்சில் கமல்ஹாசன் தொகுத்து வழங்கிய பிக்பாஸ் நிகழ்ச்சியில் புகுந்து கலக்கினார். அதில், வெற்றி பெறவில்லை என்றாலும், மக்களின் மத்தியில் உயர்ந்து நின்றார். அந்நிகழ்ச்சியின் மூலம் தமிழக மக்களின் இதயங்களில் குடியேறினார்.

மன அழுத்தம் காரணமாக வெளியேறிய ஓவியா, விஷ்ணு விஷால் – ரெஜினா நடிக்கும் சிலுக்குவார்பட்டி சிங்கம் படத்தில் ஒரு குத்துப் பாடலுக்கு டான்ஸ் ஆட உள்ளார். பிக்பாஸ் நிகழ்ச்சிக்கு முன்னதாக இப்படத்தில் ஹீரோயினாக நடிக்க பேச்சுவார்த்தை நடத்தப்பட்டுள்ளது. ஆனால், பிக்பாஸ் நிகழ்ச்சியில் கலந்து கொள்ள இருந்ததால், ஒரேயொரு பாடலுக்கு மட்டும் நடனம் ஆட ஒப்பந்தம் செய்யப்பட்டார். இதையடுத்து, அவர் பிக்பாஸ் நிகழ்ச்சியில் கலந்து கொண்டார். தற்போது, வெளியேறியா ஓவியா, இப்படத்தின் பாடலுக்கு நடனம் ஆட இருக்கிறார். இப்படத்தை செல்லா அய்யாவு தயாரிக்கிறார். ஏற்கனவே விஷ்ணு நடித்த வேலைன்னு வந்துட்டா வெள்ளைக்காரன் படத்திற்கு வசனம் உருவாக்கியிருந்தார் என்பது குறிப்பிடத்தக்கது.