மார்ச் 9ல் ஆனந்தி கொண்டாடும் ‘பண்டிகை’ வருகிறது!

கிருஷ்ணா & ஆனந்தி நடிப்பில் உருவான ‘பண்டிகை’ படம் மார்ச் 9ல் வெளியாகிறது.

நடிகர் கிருஷ்ணா & நடிகை ஆனந்தி இணைந்து நடித்த படம் ‘பண்டிகை’. இந்தப் படம் நிழல் உலக தாதாக்களை மையமாக கொண்டு உருவாக்கப்பட்டுள்ளது. படத்தை டி டைம் டாக்கீஸ் சார்பில் விஜயலக்ஷ்மி தயாரித்துள்ளார். படத்தை பெரோஸ் இயக்கியுள்ளார். படத்திற்கு ஆர்எச்.விக்ரம் இசையமைத்துள்ளார். படத்திற்கு அரவிந்த் ஒளிப்பதிவு செய்துள்ளார்.

இப்படத்தின் ஷூட்டிங் எல்லாம் முடிந்து வெளியீட்டுக்கான வேலைகள் நடந்து வருகிறது. இந்நிலையில், ‘பண்டிகை’ படத்தின் இசை வெளியீட்டு விழா, வருகிற பிப்ரவரி 26-ம் தேதி, சென்னையில் உள்ள சத்யம் திரையரங்கில், காலை 9 மணிக்கு நடைபெற உள்ளது. இதில் பல திரை நட்சத்திரங்கள் கலந்து கொள்ள இருக்கிறார்கள். இந்த படம் மார்ச் 9-ம் தேதி வெளியாகிறது. படத்தை ஆரா சினிமாஸ் பண்டிகை வாங்கி வெளியிடுகின்றனர்.