தளபதி 63: விஜய்யுடன் இணைந்த இளம் நட்சத்திரங்கள்!

தெறி, மெர்சல் படங்களை தொடர்ந்து விஜய்யும், அட்லியும் மூன்றாவதாக இணையும் படத்தின் அதிகாரபூர்வ அறிவிப்பு நவம்பர் 14-ம் தேதி வெளியானது.

ஏ.ஆர்.ரஹமான் இசையமைக்கும் இந்த படத்தில் நயன்தாரா நாயகியாக நடிக்க, விவேக், யோகிபாபு ஆகியோர் முக்கிய கதாபாத்திரங்களில் நடிக்கின்றனர்.

இந்நிலையில், சில வாரங்களுக்கு முன் வெளியிடப்பட்ட 'தளபதி-63' பட அறிவிப்பு போஸ்டர் ஸ்போர்ட்ஸ் ஜெர்சி ஸ்டைலில் உருவாக்கப்பட்டிருந்தது. எனவே விளையாட்டு துறையில் நடக்கும் ஊழல்களை மையப்படுத்தி இப்படம் எடுக்கப்படுவதாகவும், இதில் விஜய் ஃபுட் பால் கோச்சாக நடிப்பதாகவும் கிசுகிசுக்கள் வெளியானது.

இதனிடையே, தளபதி 63 படத்தில், விஜய்யுடன் இரண்டு இளம் நட்சத்திரங்கள் இணைந்துள்ளனர். பரியேறும் பெருமாள் படம் மூலம் கவனிக்க வைத்த கதிரும், மேயாத மான், இந்துஜாவும் விஜய்யுடன் நடிப்பதாக தகவல் வெளியாகியுள்ளது. ஏ.ஜி.எஸ். என்டர்டெயின்மெண்ட் தயாரிக்கும் இந்த படம் 2019 தீபாவளிக்கு வெளியிட இருப்பதாக படக்குழு அறிவித்துள்ளது.