உதயநிதி ஜோடியாக நடிக்கும் பார்வதி மேனன்!

பிரியதர்ஷன் இயக்கத்தில் உதயநிதி நடிக்கும் படத்தின் நாயகியாக பார்வதி மேனன் நடிக்கிறார்.

தமிழில் ‘பூ’, ‘மரியான்’, ‘உத்தமவில்லன்’ ஆகிய படங்களில் நடித்தவர் மலையாள நடிகை பார்வதி மேனன். பூ படத்தில் பார்வதி மேனன் நடிப்பு பெரிய அளவில் பேசப்பட்டது. அதன்பிறகு தமிழில் முன்னணி நடிகையாக வருவார் என்று எதிபார்க்கப்பட்டது. ஆனால் அவர் எதிர்பார்த்த மாதிரியான கதைகள் அமையாததால் மீண்டும் மலையாளத்திற்கே சென்று விட்டார்.

இந்நிலையில், தற்போது உதயநிதி ஸ்டாலினை நாயகனாக வைத்து பிரியதர்ஷன் இயக்கி வரும் பெயரிடப்படாத படத்தில் நாயகியாக நடித்து வருகிறார் பார்வதி மேனன். கடந்த ஆண்டு மலையாளத்தில் பகத்பாசில்- & அபர்ணா முரளி நடிப்பில் வெளியாகி வெற்றி பெற்ற ‘மகேஷின்டே பிரதிகாரம்’ என்ற படத்தின் ரிமேக்கில் உருவாகும் இந்தபடத்தின் படப்பிடிப்பு தற்போது குற்றாலத்தில் நடந்து வருகிறது. இந்த படத்தில் பார்வதி மேனன் கிராமத்து வேடத்தில் நடித்து வருகிறார். மலையாளத்தில் பல படங்களில் சவாலான வேடங்களில் நடித்திருப்பதால், இந்தப் படத்திலும் பார்வதி மேனனுக்கு வலுவான கதாபாத்திரம் கொடுக்கப்பட்டுள்ளதாம்.

Parvathi Menon Pair With Udhayanidhi Stalin Next Movie Priya Dharshan Direction