Pathaan Film's 2 Days Box Office Collection Revealed
Pathaan Box office collection Day 2: பதான் வசூல் இத்தனை கோடிகளா? வாயை பிளக்க வைத்த பதான்!
Pathaan: பதான் படத்தின் இரண்டு நாட்கள் வசூல் குறித்த தகவல் வெளியாகியுள்ளது.
Samayam Tamil27 Jan 2023, 5:28 pm
ஷாருக்கான் நடிப்பில் வெளியாகியுள்ள பதான் திரைப்படம் இரண்டு நாட்களில் உலகம் முழுவதும் வசூலித்த தொகை குறித்த தகவல் வெளியாகியுள்ளது.
பதான் திரைப்படம்
ஷாருக்கான் நடிப்பில் பெரும் சர்ச்சைகளுக்கு இடையில் வெளியாகியுள்ள படம் பதான். இந்தப் படத்தை பிரபல பாலிவுட் இயக்குநரான சித்தார்த் ஆனந்த் இயக்கியுள்ளார். ஷாருக்கான் நடிப்பில் கடந்த 4 ஆண்டுகளாக எந்தப் படமும் ரிலீஸ் ஆகாத நிலையில் பெரும் போராட்டங்களுக்கு பிறகு கடந்த 25 ஆம் தேதி அதாவது நேற்று முன்தினம் இப்படம் வெளியானது. இப்படத்தில் ஷாருக்கானுக்கு ஜோடியாக தீபிகா படுகோன் நடித்துள்ளார். Rajinikanth, YG Mahendran: சகலையை விட்டு கொடுக்க முடியுமா? ஒரே போடாய் போட்ட ஓய்ஜி மகேந்திரன்!
கடும் எதிர்ப்பு
இதேபோல் பதான் படத்தில் வில்லனாக பாலிவுட் நடிகர் ஜான் ஆபிரஹாம் நடித்துள்ளார். இப்படத்தில் இடம்பெற்றுள்ள பேஷ்ராம் ரங் பாடல் பெரும் சர்ச்சையை ஏற்படுத்தியது. இப்பாடலில் தீபிகா படுகோன் காவி உடையில் ஆபாச நடனமாடியதாக கண்டனங்கள் எழுந்தன. படத்தை ரிலீஸ் செய்யவும் எதிர்ப்புகள் கிளம்பின. இருப்பினும் எதிர்ப்புகளை மீறி வெளியான பதான் திரைப்படம் முதல் நாளே பாசிடிவ் விமர்சனங்களை குவித்தது.
இதன் எதிரொலியாக பதான் திரைப்படம் வசூலையும் வாரிக்குவித்து வருகிறது. அதன்படி முதல்நாளிலேயே இப்படம் உலகளவில் 106 கோடி ரூபாயை வசூலித்ததாக படக்குழு அதிகாரப்பூர்வமாக அறிவித்தது. அதோடு ஓபனிங் நாளில் 100 கோடி ரூபாய்க்கு மேல் வசூலை அள்ளிய முதல் இந்தி படம் என்ற பெருமையையும் பெற்ற பதான் திரைப்படம் கேஜிஎஃப் 2 படத்தின் முதல் நாள் வசூல் சாதனையை முறியடித்தது.
இந்நிலையில் பதான் படத்தின் இரண்டாம் நாள் வசூல் குறித்த தகவல் வெளியாகியுள்ளது. அதாவது இரண்டே நாட்களில் உலகம் முழுவதும் 235 கோடி ரூபாய் வசூலை குவித்துள்ளது பதான் திரைப்படம். இந்தியில் மட்டும் இரண்டாவது நாளில் 70 கோடி ரூபாய்க்கு மேல் வசூலித்திருக்கும் என்றும் தகவல் வெளியாகியுள்ளது. அதோடு வட அமெரிக்காவிலும் ஜனவரி 25 ஆம் தேதி பாக்ஸ் ஆபிஸ் வசூலின் டாப் 10 பட்டியலில் நம்பர் ஒன் இடத்தை பதான் திரைப்படம் பிடித்ததாகவும் தகவல் வெளியாகியுள்ளது.
சமீப காலமாக இந்தி மொழியில் வெளியாகும் படங்கள் பெரிதாக சோபிக்க வில்லை. இதனால் தமிழ் மற்றும் மலையாளத்தில் ஹிட் அடித்த படங்களை ரீமேக் செய்து வருகிறது பாலிவுட் சினிமா. இந்நிலையில் நீண்ட இடைவெளிக்கு பிறகு இந்தி சினிமாவில் பதான் திரைப்படம் வசூலை குவித்து இந்தி சினிமாவை தலை நிமிர செய்துள்ளது. பதான் வெற்றியை சமூக வலைதளங்களில் கொண்டாடி வருகின்றனர் ஷாருக்கானின் ரசிகர்கள்.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.