மாமனாராச்சே: பொங்கல் ரேஸில் இருந்து விலகிய தனுஷ், ஆனால் வேறு ஒருவர் வந்துட்டார்

துரை செந்தில் குமார் இயக்கத்தில் தனுஷ் இரட்டை வேடங்களில் நடித்துள்ள பட்டாஸ் படம் முதலில் தீபாவளிக்கு ரிலீஸாவதாக இருந்தது. அதன் பிறகு அடுத்த ஆண்டு பொங்கல் ஸ்பெஷலாக ரிலீஸாகும் என்று கூறப்பட்டது.

ஏ.ஆர். முருகதாஸ் இயக்கத்தில் ரஜினிகாந்த் நடித்துள்ள தர்பார் படம் பொங்கலுக்கு ரிலீஸாக உள்ளது. இந்நிலையில் மாமனார் படத்துடன் மருமகனின் படமும் சேர்ந்து வருமா என்று பேச்சு கிளம்பியது. ரஜினிக்காக தனுஷ் தன் படத்தின் ரிலீஸை தள்ளி வைக்குமாறு தயாரிப்பு தரப்பிடம் கோரிக்கை விடுப்பார் என்று எதிர்பார்க்கப்பட்டது.

'ஆங்ரி யங் மேன்' த்ருவ் விக்ரம் எப்படி?: ஆதித்ய வர்மா விமர்சனம்

இந்நிலையில் பட்டாஸ் படத்தின் ரிலீஸ் தேதியில் மாற்றம் செய்துள்ளனர். அதாவது பொங்கல் முடிந்த பிறகு குடியரசு தினத்தையொட்டி பட்டாஸை வெளியிட முடிவு செய்துள்ளார்கள். ஆனால் பொங்கலுக்கு தர்பாருடன் பிரவுதேவாவின் பொன் மாணிக்கவேல் படத்தை ரிலீஸ் செய்கிறார்கள். அந்த படத்தில் பிரபுதேவாவுக்கு ஜோடியாக நிவேதா பெத்துராஜ் நடித்துள்ளார்.

முகில் செல்லப்பன் இயக்கியுள்ள பொன் மாணிக்கவேல் படத்தில் பிரபுதேவா போலீஸ் அதிகாரியாக நடித்துள்ளார். தர்பாரில் ரஜினியும் போலீஸ்காரர் தான் என்பது குறிப்பிடத்தக்கது. ரஜினி படம் வருகிறது என்றால் பிற நடிகர்கள் தங்களின் படங்களின் ரிலீஸை தள்ளிப் போடும் காலம் மலையேறிக் கொண்டிருக்கிறது.

சிறுநீரை ரசித்துக் குடிக்கும் பிரபல பாடகி: வைரல் வீடியோ

இரண்டு போலீஸ்காரர்கள் சேர்ந்து வந்தாலும் எந்த கதை நன்றாக இருக்கிறதோ அதற்கு அமோக வரவேற்பு கொடுத்து படத்தை ஹிட்டாக்க மக்கள் தயாராக உள்ளார்கள். அந்த தைரியத்தில் தான் பொன் மாணிக்கவேலை பொங்கல் ரேஸில் இறக்கிவிட்டுள்ளனர்.