இம்சை அரசனுக்கு ஜோடி அஜீத் பட நாயகி!

இம்சை அரசன் வடிவேலுக்கு ஜோடியாக அஜீத் பட நாயகி பார்வதி ஓமனகுட்டன் நடிக்கிறார்.

அஜீத் நடித்த ‘பில்லா 2’ படத்தில் ஹீரோயினாக நடித்தவர் நடிகை பார்வதி ஓமனகுட்டன். தற்போது இவர் நடிகர் வடிவேலுக்கு ஜோடியாக நடிக்கிறார். இயக்குனர் சிம்புதேவன் இயக்கத்தில் வடிவேலு நடிக்கும் படம் ‘இம்சை அரசன் 24ம் புலிகேசி’. 2006ஆம் ஆண்டு வெளியான ‘இம்சை அரசன் 23ம் புலிகேசி’ படத்தின் இரண்டாம் பாகம் தற்போது தயாராகி வருகிறது.. முதல் பாகத்தில் மோனிகா, தேஜாஸ்ரீ என இரண்டு ஹீரோயின்கள் நடித்திருந்தனர்.

இந்த இரண்டாம் பாகத்தில் நடிகை பார்வதி ஓமனகுட்டன் வடிவேலுக்கு ஜோடியாக நடிக்கிறார். ‘மிஸ் சவுத் இந்தியா 2018’, ‘பெமினா மிஸ் இந்தியா வேர்ல்டு 2008’ பட்டங்களை வென்றுள்ள பார்வதி, ‘பில்லா 2’ படத்தில் அஜீத்துக்கு ஜோடியாக நடித்தவர் என்பது குறிப்பிடத்தக்கது.