10 மில்லியன் பார்வையாளர்களை கடந்த பவன் கல்யாண் பட டீசர்!

நடிகர் பவன் கல்யாண் நடித்த ‘கட்டமராய்டு’ படத்தின் டீசர் 10 மில்லியன் பார்வையாளர்களை கடந்துள்ளது.

பவன் கல்யாண் மற்றும் ஸ்ருதிஹாசன் ஆகியோர் இணைந்து நடித்த படம் ‘கட்டமராய்டு’. இந்தப் படத்தின் டீசர் கடந்த பிப்ரவரி 4 ஆம் தேதி வெளியானது. இதுவரை இந்த டீசரை 10 மில்லியனுக்கும் அதிகமான பார்வையாளர்கள் பார்த்துள்ளனர். டிரைலர் மற்றும் பாடல்களுக்கு கிடைத்துள்ள வெற்றி விநியோகஸ்தர்கள் மத்தியில் இப்பட வியாபாரத்தை அதிகரிக்க செய்துள்ளது.

இப்படத்தின் ப்ரீ ரிலீஸ் விற்பனை மட்டும் ரூ 100 கோடிக்கு நிகழ்ந்துள்ளதாக டோலிவுட் வட்டார தகவல்கள் தெரிவிக்கின்றன. படத்தை இயக்குனர் டாலி இயக்கியுள்ளார். பவன் கல்யாண் நண்பர் சரத்மாரர் இந்தப் படத்தை தயாரித்துள்ளார். தமிழில் அஜீத் நடிப்பில் வெளிவந்த ‘வீரம்’ படத்தின் ரீமேக் ஆகும்.

தெலுங்கில் ‘கட்டமராய்டு’ எனும் பெயரில் உருவாகி வருகிறது. படத்தில் பவன் கல்யாணுக்கு ஜோடியாக ஷ்ருதிஹாசன் நடிக்கிறார். ஏற்கனவே இப்படத்தின் மூன்று பாடல்கள் வெளிவந்துள்ளது. நாளை இன்னொரு பாடல் ஒன்றை இணையதளத்தில் வெளியிடவுள்ளது படக்குழு.