Peta Movie:’பேட்ட’ படத்தின் ரிலீஸ் தேதி இதுதான்- அஜித்துடன் மோதுகிறாரா ரஜினி..??

’பேட்ட’ திரைப்படம், 2019 பொங்கலை முன்னிட்டு ஜனவரி 10ம் தேதி வெளிவரும் என கோலிவுட் சினிமா வட்டாரங்கள் தகவல் தெரிவிக்கின்றன.

சன் பிக்சர்ஸ் தயாரிப்பில் கார்த்திக் சுப்புராஜ் இயக்கி வரும் ‘பேட்ட’ படத்தில் தற்போது ரஜினிகாந்த் நடித்து வருகிறார். இந்த படத்தில் சிம்ரன், த்ரிஷா, விஜய் சேதுபதி, பாபி சிம்ஹா, நவாசுதீன் சித்திக், குரு சோமசுந்தரம், சனந்த் ரெட்டி, மகேந்திரன், மேகா ஆகாஷ், சசிக்குமார் உள்ளிட்ட ஏராளமானோர் நடித்து வருகின்றனர்.

பெரிய நட்சத்திர பட்டாளங்கள் நடிக்கும் படமாக தயாராகி வரும் ‘பேட்ட’ படத்திற்கு அனிருத் இசையமைத்து வருகிறார். ஊட்டியை மையமாகக் கொண்டு உருவாகி வரும் இப்படத்தின் படப்பிடிப்பு பணிகள் டேராடூன், டார்ஜிலிங், சென்னை, லடாக், ஐரோப்பா, வாரணாசி ஆகிய இடங்களில் நடைபெற்று முடிந்துள்ளது.

தற்போது இந்த படத்துக்கான இறுதிக்கட்ட பணிகள் நடைபெற்று வரும் நிலையில், ‘பேட்ட’ படத்தை பொங்கல் பண்டிகையின் விடுமுறையை முன்னிட்டு வரும் ஜன.10ம் தேதி வெளியிட படக்குழு திட்டமிட்டுள்ளது.

இதற்கான அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்பட்டு வரும் நிலையில், தல அஜித் நடித்துள்ள ‘விஸ்வாசம்’ திரைப்படமும் பொங்கலுக்கு வெளியாகவிருப்பது குறிப்பிடத்தக்கது.