ரூபாய் நோட்டு தடைக்கு ஐடியா கொடுத்த பிச்சைக்காரன் படத்தின் 2ம் பாகம் வெளியாகிறதா?

மத்திய அரசு ரூபாய் நோட்டுகளுக்கு தடை விதித்த பிறகு, நெட்டிசன்கள் தமிழ் சினிமாவை அவற்றுடன் ஒப்பிட்டு மீம்ஸ் வெளியிட தொடங்கிவிட்டனர். குறிப்பாக ரஜினி நடித்த சிவாஜி மற்றும் விஜய் ஆண்டனி நடித்த பிச்சைக்காரன் திரைப்படங்களைப்பற்றி அதிகம் பேசப்படுகிறது. பிச்சைக்காரன் படத்தில் 500 மற்றும் 1000 ரூபாய் நோட்டுகளை ஒழித்தால் கருப்புப்பணத்தை ஒழிக்க முடியும் என்று பிச்சைக்காரர் ஒருவர் பேசுவது போல் காட்சி அமைக்கப்பட்டிருக்கும்.

பிச்சைக்காரன் திரைப்படம் திரைக்கு வந்து போன பிறகு ரசிகர்கள் மத்தியில் இன்னும் பிரபலமடைந்துள்ளது. தமிழ் மற்றும் தெலுங்கு என இரண்டிலும் சூப்பர் ஹிட்டான இந்தப்படத்தின் இரண்டாம் பாகத்தை எடுக்கலாம் என்று மக்கள் மத்தியில் கருத்து நிலவுகிறது. இது குறித்து கருத்து தெரிவித்த நடிகர் விஜய் ஆண்டனி, படம் தொடங்கிய போது இரண்டாம் பாகம் எடுக்க வேண்டும் என்று திட்டமிடவில்லை. ஆனால் தற்போது ரசிகர்கள் பலரும் கேட்டு வருகின்றனர். அதே டீம் மீண்டும் அமைந்து எல்லாமும் சரியாக நடக்கும் பட்சத்தில் 2018ம் ஆண்டு ரசிகர்கள் பிச்சைக்காரன் திரைப்படத்தை எதிர்பார்க்கலாம் என்றார்.