சிவப்பா, அழகா இருப்பதால் பட வாய்ப்புகளை இழந்தேன்: டாப்ஸி

வெயிலே படாமல் வளர்ந்த நடிகை என்று செல்லமாக அழைக்கப்படும் ஹீரோயின் டாப்ஸி. தமிழில் ஆடுகளம் படத்தின் மூலம் ரசிகர்களின் மனதை வெகுவாக கவர்ந்தவர். ஆடுகளத்தை தொடர்ந்து பேய் படமான காஞ்சனா 2ம் பாகத்தில் லாரன்சுடன் இணைந்து நடித்திருந்தார். இதன் பிறகு தமிழில் இவருக்கு போதுமான வாய்ப்பு கிடைக்கவில்லை. இதனால் பாலிவுட், டோலிவுட் என்று கவனம் செலுத்தினார்.

அமிதாப் பச்சனுடன் பிங்க் படத்தின் நடித்து அனைவரின் பாராட்டையும் பெற்றார். இதனைத் தொடர்ந்து அமித் ராய் இயக்கத்தில் டாப்ஸி நடித்துள்ள ரன்னிங்ஷாதி.காம் வரும் 17ம் தேதி திரைக்கு வரவுள்ளது. இப்படத்தின் விளம்பரத்திற்காக தற்போது பிஸியாக இருக்கிறார். இந்நிலையில் அடுத்த மாதம் ஜெய்ப்பூரில் சிவப்பழகு கிரீம் தயாரிக்கும் நிறுவனம் நடத்தும் நிகழ்ச்சிக்கு டாப்ஸி அழைக்கப்பட்டிருந்தார்.

ஆனால், இயற்கையாகவே டாப்ஸி சிவப்பழகியாக இருப்பதால் அந்த கிரீம்களை அவர் ஆதரிப்பது இல்லை. மேலும், சிவப்பு தான் அழகு என்பதில் அவருக்கு நம்பிக்கை இல்லை. அந்நிறுவனம் நடத்தும் நிகழ்ச்சிக்கு முதலில் நான் ஒப்புக்கொண்டேன். நிகழ்ச்சியில் சிவப்பழகு கிரீமுடன் போஸ் கொடுக்க வேண்டும் என்றார்கள்.

அதனைக் கேட்டவுடன் நான் நிகழ்ச்சிக்கு வரமுடியாது என்று சொல்லிவிட்டேன். சிவப்பாக இருப்பதால் நான் பட வாய்ப்புகளை இழந்தேன். அதனால் சிவப்பு தான் அழகு என்பதை ஒரு நாளும் நான் விளம்பரம் செய்ய மாட்டேன் என்று டாப்ஸி தெர்வித்துள்ளார்.