‘பில்லா 2’ பாணியில் தயாராகும் ‘மொய்தீன் 2’

‘மொய்தீன் 2’ படம் தற்போது ‘பில்லா 2’ பாணியில் தயாராகவுள்ளது.
சென்ற ஆண்டு மலையாள சினிமாவை புகழின் உச்சிக் கொண்டு சென்ற சூப்பர் ஹிட் படம் ‘என்னுநிண்டே மொய்தீன்’. இந்தப் படத்தில் பிருத்விராஜ் ஹீரோவாகவும், நடிகை பார்வதியும் நடித்து இருந்தனர். படத்தை ஆர்.எஸ்.விமல் இயக்கி இருந்தார்.
இந்தப் படம் கோழிக்கோடு முக்கம் பகுதியில் வாழ்ந்த மொய்தீன், காஞ்சனமாலா என்ற உண்மை காதல் ஜோடியை பற்றிய நிஜக் கதையே ‘என்னு நிண்டே மொய்தீன்’ என்ற பெயரில் தயாரானது. இந்தக் கதையின் உண்மை நாயகியான காஞ்சனமாலா இன்னும் உயிருடன் மொய்தீன் நினைவாகவே திருமணம் செய்து கொள்ளாமல் வாழ்ந்துகொண்டிருக்கிறார். மிகப்பெரிய வெற்றிபெற்ற இந்தப்படத்தின் இரண்டாம் பாகத்தை தயாரிக்க தற்போது மொய்தீனின் சகோதரர் ரபீக் முடிவுசெய்துள்ளாராம்.
முதல் பாகத்தில் மொய்தீன், காஞ்சனாமாலா காதல் மட்டுமே பிரதான இடம்பெற்றிருந்தது. ‘மொய்தீன்’ படத்தை இயக்கிய டைரக்டர் ஆர்.எஸ்.விமல், தற்போது பிருத்விராஜை வைத்து ‘கர்ணன்’ என்ற படத்தை இயக்கி வருகிறார். ஆகையால் இந்தப்படத்தை வேறு இயக்குனர் ஒருவரை வைத்து இயக்க முடிவு செய்துள்ளார்களாம். கிட்டத்தட்ட தமிழில் வெளியான அஜித்தின் ‘பில்லா-2’ போலத்தான்.
ஆனால் கதாநாயகன் , நாயகியாக பிருத்விராஜ் , பார்வதி நடித்தால் மட்டுமே இந்தப் படத்தயாரிப்பை அடுத்தகட்டத்துக்கு நகர்த்திச்செல்ல முடியும் என்பதால் இருவரிடமும் இதுபற்றி பேசி வருகிறது தயாரிப்பு நிர்வாகம்.