பின்னணி பாடகி ஜானகிக்கு திடீர் அறுவை சிகிச்சை; ரசிகர்கள் பிரார்த்தனை!

தமிழ், தெலுங்கு, மலையாளம், இந்தி உள்ளிட்ட பல்வேறு மொழிகளில் 60 ஆண்டுகளாக பின்னணி பாடகியாக திகழ்ந்து வருபவர் ஜானகி. இவர் சமீபத்தில் மைசூரில் உள்ள உறவினர் வீட்டிற்கு சென்றிருந்தார்.

அப்போது கால் இடறி கீழே விழுந்தார். இதில் ஜானகிக்கு இடுப்பு எலும்பு முறிந்தது. இதையடுத்து மைசூரில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டார்.

இந்நிலையில் எலும்பு முறிவை சரிசெய்ய ஜானகிக்கு அறுவை சிகிச்சை செய்ய அறிவுறுத்தப்பட்டது. இதைத் தொடர்ந்து வெற்றிகரமாக அறுவை சிகிச்சை செய்து முடிக்கப்பட்டது.

இதையடுத்து நேற்று வீட்டிற்கு திரும்பினார். இந்த சூழலில் ஜானகி கூறுகையில், கர்நாடக மக்கள் என் மீது எப்போதும் அன்பை வாரி வழங்கி வருகின்றனர். அறுவை சிகிச்சை வெற்றிகரமாக நடந்தது. தற்போது நலமுடன் இருக்கிறேன்.

மைசூர் நகரம் எனக்கு எப்போதும் பிடிக்கும். இங்கு தான் ஓய்வெடுக்க விரும்புகிறேன். எதிர்பாராதவிதமாக கால் தடுக்கி விழுந்து விட்டேன். இதனால் இடுப்பு எலும்பு முறிவு ஏற்பட்டது. பின்னர் மருத்துவமனையில் அனுமதிக்கப்பட்டு, அறுவை சிகிச்சை செய்து கொண்டேன் என்று கூறினார்.