ரசிகர்களை சந்தோஷப்படுத்துவதுதான் உண்மையான மகிழ்ச்சி: ஹன்சிகா!

தமிழ் சினிமாவில் சின்ன குஷ்பு என்று செல்லமாக அழைக்கப்படுபவர் நடிகை ஹன்சிகா. தமிழ் சினிமாவில் முன்னணி நடிகைகளில் ஒருவராக இருந்தவர். தற்போது பட வாய்ப்பு தேடி அழைகிறார். இவர் பிரபல முன்னணி நடிகர்களான விஜய், தனுஷ், சிம்பு, ஜெயம் ரவி, ஆர்யா உள்ளிட்ட பலருடன் ஜோடியாக நடித்துள்ளார். தற்போது கைவசம் இரண்டு படங்கள் தான் உள்ளது. அதிலும் ‘போகன்’ படம் முடிந்துவிட்டது. இன்னொரு படம் விரைவில் ஆரம்பமாக உள்ளது.

இதனிடையே சினிமா பிரபலங்கள் தற்போது பேஸ்புக், டுவிட்டர் போன்ற சமூக வலைதளங்களுக்கு அதிக முக்கியத்துவம் கொடுக்கிறார்கள். அதிலும் நடிகைகள் பற்றி சொல்லவே வேண்டாம். நடிகை ஹன்சிகாவையும் ஏராளமான ரசிகர்கள் பின் தொடர்ந்து வருகின்றனர். பேஸ்புக்கில் மட்டும் ஹன்சிகாவை 60 லட்சம் ரசிகர்கள் பின்தொடர்கின்றனர்.

இதனால் மகிழ்ச்சியில் இருக்கும் ஹன்சிகா கூறுகையில், பேஸ்புக்கில் என்னை பின் தொடர்பவர்களின் எண்ணிக்கை 60 லட்சத்தையும் தாண்டியுள்ளது. ரசிகர்கள் மனதில் நான் இருக்கிறேன் என்பதை நினைக்கும்போது பெருமையாக உள்ளது. வாழ்க்கையில் நாம் எவ்வளவு பணம் சம்பாதித்தோம் என்பது முக்கியமல்ல, எவ்வளவு ரசிகர்களை சம்பாதித்தோம் என்பதில் தான் மகிழ்ச்சி இருக்கிறது. படங்களில் அவர்களை சந்தோஷப்படுத்துவதுதான் உண்மையான மகிழ்ச்சி என்று கூறியுள்ளார்.